Äl-Farabi atyndaǧy Qazaq ūlttyq universitetınde dästürlı «Digital Farabi – 2025» halyqaralyq forumy öttı. Biylǧy forum «Qazaqstan ekonomikasynyŋ damuyndaǧy jasandy intellekt jäne joǧary önımdı tehnologiialar» taqyrybyna arnaldy.
Auqymdy ıs-şarada QR Ǧylym jäne joǧary bılım ministrı Saiasat Nūrbek, QazŪU-dyŋ Basqarma Töraǧasy – Rektor Janseiıt Tüimebaev, NVIDIA korporasiiasynyŋ korporativtık biznestı damytu jönındegı aǧa menedjerı Anton Djoraev, ASUS kompaniiasynyŋ trening menedjerı Almat Äbılhan, IT salasyndaǧy bılıktı mamandar, ırı kompaniialardyŋ jäne holdingterdıŋ ökılderı, investorlar, jas zertteuşıler, oqytuşylar men ǧalymdar bas qosty.
Basty mındet – jasandy intellekt salasyndaǧy ǧylymi zertteulerdı öndırıske engızu jäne innovasiialyq jobalardy kommersiialandyru boiynşa ideialar men ozyq täjıribe almasu.
Öz sözınde QR Ǧylym jäne joǧary bılım ministrı Saiasat Nūrbek:
"Bügınde älemdık arenada jasandy intellekt salasy qarqyndy damyp kele jatyr. Osy rette Memleket basşysy Qasym-Jomart Toqaev atalǧan salany damytu boiynşa aldymyzǧa ülken mındet qoiyp, tapsyrma jüktedı. Bız būl älemde bolyp jatqan özgerısterden jäne jaŋaşyldyqtan qalyp qoimauymyz qajet. Ǧylymǧa, bılımge jäne tehnologiiada paidalanyp, onyŋ dūrys jäne qajettı qasietterın aluymyz mındet", – dep atap öttı.
QazŪU rektory Janseiıt Tüimebaev jasandy intellekt salasy boiynşa universitette atqarylyp jatqan jūmystarǧa toqtaldy.
"Qazaqstan sifrlyq transformasiia qarsaŋynda tūr. QazŪU jetekşı ǧylymi-bılım beru ortalyǧy retınde būl proseske belsendı qatysyp keledı. Bız bılıktı jäne käsıbi mamandardy daiarlap qana qoimai, innovasiialyq jobalardy damytudamyz. Jasandy intellekt – tek tehnologiia emes, būl jaŋa mümkındıkterdıŋ kıltı. Bızdıŋ mındetımız – tek osy tehnologiialardy engızu ǧana emes, sonymen qatar olardyŋ tūraqty damuy üşın jaǧdai jasau. QazŪU qazaq tılın ǧylym tılıne ainaldyru mäselesıne basymdyq beredı. Osy tūrǧyda oqu ordasynyŋ ǧalymdary qazaq tılındegı jasandy intellektını jetıldıruge belsendı qatysuda. Bız aqparattyq jüielerdegı memlekettık tıldıŋ ülesın arttyruǧa tiıspız", – dedı rektor.
Sondai-aq halyqaralyq forum barysynda Anton Djoraev, Almat Äbılhan, Haidar Būlqaiyr, Ramazan Aranǧazy, Äset Ordabaev söz söilep, jasandy intellekt sektoryn damytu boiynşa öz ūsynys-pıkırlerın ortaǧa saldy.
Forum aiasynda Almatydaǧy universitet studentterınıŋ jäne mektep oquşylarynyŋ startap jobalaryna arnalǧan körme ūiymdastyryldy. Mūnda jasandy intellekt arqyly ıske asyrylǧan ǧylymi äzırlemeler qoiylǧan.
Sondai-aq bılım aluşy jastar arasynda «FIFA PS» jarysy öttı. Şara soŋynda üzdık startaptardyŋ avtorlary men «FIFA PS» jeŋımpazdaryna diplom jäne baǧaly syilyqtar tabystaldy.
