Mekeme taratqan aqparatta, eşqandai zaqym anyqtalǧan joq. Barlyq nysan qalypty rejimde jūmys ıstep tūr. Ortalyqqa zardap şekkender turaly aqparat tüsken joq delıngen.

Būǧan deiın aqparttarda,  seismikalyq stansiialar jelısı 2025 jylǧy 5 tamyzda, Astana uaqytymen 18: 44-te jer sılkınısın tırkegen. Jerasty dümpulerınıŋ episentrı Qyrǧyzstan aumaǧynda ornalasqany anyqtalǧan edı.

Mamandardyŋ deregınşe, Qazaqstan eldımekenderınde eseptık qarqyndylyq 2 balǧa jettı.

Dümpudı Jambyl, Türkıstan oblystarynyŋ jäne Şymkent qalasynyŋ tūrǧyndary sezdı. Atap aitqanda, Merke, Qūlan, Taraz, Sarykemer, Bauyrjan Momyşūly, Asa, Tülkıbas, Lenger, Qordai, Mankent, Sairam, Aqsukent, Şu, Qaratau, Töle bi, Qazyǧūrt, Saryaǧaş, Abai jäne Temırlan eldımekenderınde de baiqalǧan.