Saraevo qalasynda (Bosniia jäne Gersegovina) 22 eldıŋ oquşylary qatysqan Balqan halyqaralyq matematikalyq olimpiadasy (BMO) aiaqtaldy. Qazaqstandyq oquşylar el qorjynyna üş kümıs jäne üş qola medal salyp, 100% körsetkış körsettı.
Qazaqstan qūramasy jalpy alty jülde ielendı:
Kümıs jülde iegerlerı:
• Amir Sahipov — Almaty qalasyndaǧy RFMM-nıŋ 11-synyp oquşysy;
• Marǧūlan Şarel — Astana qalasyndaǧy Spectrum mektebınıŋ 11-synyp oquşysy;
• Eldar Üsenov — Almaty qalasyndaǧy Nazarbaev ziiatkerlık mektebınıŋ 10-synyp oquşysy.
Qola medal iegerlerı:
• Damir Nūrlanov — Aqtau qalasyndaǧy Nazarbaev ziiatkerlık mektebınıŋ 12-synyp oquşysy;
• Ämırlan Amanjolov — Almaty qalasyndaǧy Haileybury mektebınıŋ 11-synyp oquşysy;
• Berdıbek Orynbasar — Atyrau oblysyndaǧy №1 «Bılım-innovasiia» liseiınıŋ 10-synyp oquşysy.
«BMO olimpiadasyna qatysu – Qazaqstan qūramasynyŋ şılde aiynda Avstraliianyŋ Kvinslend qalasynda ötetın halyqaralyq matematikalyq olimpiadaǧa (IMO) daiyndyǧyndaǧy maŋyzdy kezeŋ. Memleketke jas talanttardy qoldaǧany üşın, sondai-aq ūstazdaryma jäne barlyq jattyqtyruşy komandaǧa käsıbi daiyndyq üşın şyn jürekten alǧys aitamyn», – dedı olimpiadanyŋ kümıs jüldegerı Marǧūlan Şarel.
Ūlttyq qūramanyŋ jattyqtyruşylary – Asylbek İsahov pen Mūhtar Qabaq.
Jas matematikterımızdı qūttyqtaimyz!
Esterıŋızge sala keteiık, būl – qazaqstandyq oquşylardyŋ ekınşı rekordtyq nätijesı. 2024 jyly da olar üzdık üştıkten körıngen bolatyn.
