Osyǧan orai Qazaqstan Respublikasynyŋ Prezidentı men Sloveniia Respublikasynyŋ Prezidentı kelesı mäselelerdı mälımdedı:
1. Qazaqstan men Sloveniia arasyndaǧy dostyq, özara qūrmet jäne tiımdı yntymaqtastyqqa negızdelgen 30 jyldan astam uaqyt būryn ornaǧan diplomatiialyq qatynastardy atap ötıp, taraptar osy serıktestıktı odan ärı nyǧaituǧa jäne ärtaraptandyruǧa degen berık ūstanymyn rastady. Būl ekı el arasyndaǧy qoldanystaǧy qūqyqtyq negızder aiasynda jüzege asyrylady.
2. Ekı prezident ekonomika, sauda jäne investisiia salalaryndaǧy yntymaqtastyqty keŋeituge kelısıp, äsırese ornyqty biznes täjıribelerdı ılgerıletu men şaǧyn jäne orta käsıporyndardy qoldauǧa erekşe nazar audardy. Olar biznes arasyndaǧy ıs-qimyl men naryqtardy özara nasihattau arqyly farmasevtika, aqparattyq-kommunikasiialyq tehnologiialar, energiia tiımdılıgı, ekologiialyq tehnologiialar, jasandy intellekt, injeneriia jäne ozyq öndırıstık innovasiialar salalarynda yntymaqtastyqty küşeituge mındettendı.
Osy oraida, olar Qazaqstan-Sloveniia biznes-forumyn ötkızudı qūptap, Sauda-ekonomikalyq yntymaqtastyq jönındegı ükımetaralyq komissiianyŋ belsendılıgın arttyru jäne Iskerlık keŋes qūrudyŋ maŋyzdylyǧyn atap öttı.
3. Ekı prezident Qazaqstannyŋ Transkaspii halyqaralyq kölık dälızın damytudaǧy maŋyzdy rölın atap ötıp, ony Aziia men Europa arasyndaǧy eŋ tiımdı jäne tıkelei sauda joly retınde moiyndady.
4. Prezidentter turizm salasyndaǧy yntymaqtastyqty tereŋdetudı qoldap, būl baǧytta bılım men täjıribe almasuǧa, sonyŋ ışınde ornyqty turizm, jasandy intellekt, sifrlandyru jäne adam resurstaryn damytu salalaryndaǧy üzdık täjıribelerdı qoldanuǧa basa nazar audardy.
5. Prezidentter joǧary bılım, ǧylym jäne zertteu salalaryndaǧy ekıjaqty yntymaqtastyqty keŋeituge jäne bırlesken akademiialyq jäne ǧylymi bastamalardy jüzege asyru mümkındıkterın zerdeleuge uaǧdalasty.
6. Taraptar körmeler, konsertter, festivalder men film körsetılımderın ūiymdastyru arqyly mädeni yntymaqtastyqty jandandyruǧa jäne ekı halyq arasyndaǧy mädeni bailanystardy tereŋdetuge niet bıldırdı.
7. Sloveniia Europa Odaǧy men Qazaqstan arasyndaǧy readmissiia turaly kelısım, sondai-aq vizalyq jeŋıldıkter turaly kelısım boiynşa kelıssözderdı mümkındıgınşe erterek bastaudy qoldauǧa daiyndyǧyn bıldırdı.
8. Qazaqstan men Sloveniia prezidentterı klimattyŋ özgeruıne bırlesıp qarsy tūru joldaryn ızdeuge, äsırese su resurstaryn basqaru, şöleittenumen küresu jäne tabiǧi apattardyŋ aldyn alu şaralaryn küşeituge kelıstı.
9. Ekı prezident äielderdıŋ qūqyǧyn ılgerıletu jäne äleumettık-ekonomikalyq sektorlar men şeşım qabyldau üderısterınde genderlık teŋdıktı qamtamasyz etuge baǧyttalǧan jahandyq küş-jıgerdı qoldaityndaryn rastady. Olar äielderdıŋ beibıtşılık pen qauıpsızdık, klimattyŋ özgeruı jäne azyq-tülık qauıpsızdıgı siiaqty jahandyq syn-qaterlerdı şeşudegı maŋyzdy rölın atap öttı.
10. Ekı prezident köpjaqtylyq qaǧidattaryna, onyŋ ışınde BŪŪ-nyŋ negızgı rölıne adaldyqtaryn taǧy da rastady. Olar jahandyq beibıtşılık pen qauıpsızdıktı qamtamasyz etudegı BŪŪ Qauıpsızdık Keŋesınıŋ maŋyzdy rölın moiyndai otyryp, Sloveniianyŋ 2024-2025 jyldardaǧy BŪŪ Qauıpsızdık Keŋesınıŋ tūraqty emes müşesı retındegı ülesın joǧary baǧalady. Astana Liubliananyŋ osy bedeldı ūiym aiasyndaǧy bastamalaryn qūptaidy. Taraptar halyqaralyq qūqyq qaǧidattaryn, egemendık pen aumaqtyq tūtastyqty qūrmetteuge jäne daulardy beibıt jolmen şeşuge degen ūstanymdaryn rastady, diplomatiia men inkliuzivtı dialogtyŋ maŋyzdylyǧyn erekşe atap öttı.
11. Qazaqstan Liubliananyŋ 20 mamyrdy Düniejüzılık aralar künı retınde belgıleu jönındegı bastamasyn qoldaǧanyn eskere otyryp, Sloveniianyŋ «Jas aralar – beibıtşılık üşın» körmesın ūiymdastyruǧa qatysty küş-jıgerın tolyq qūptaitynyn bıldırdı. Būl bastama aralardyŋ ekojüiedegı maŋyzdy rölın jäne olardy qorǧau qajettılıgın körsetedı, sondai-aq qorşaǧan ortany qorǧau, bılım beru jäne mädeni almasu salalaryndaǧy ekı eldıŋ ortaq ūstanymdaryn aiqyndaidy.
12. Sloveniia Qazaqstannyŋ Almatyda Ortalyq Aziia men Auǧanstan üşın Ornyqty damu maqsattary (ODM) jönındegı BŪŪ-nyŋ aimaqtyq ortalyǧyn qūru bastamasyn qūptaidy.
Öz kezegınde, Qazaqstan Prezidentı Qasym-Jomart Toqaev Sloveniiaǧa bastamany qoldap, BŪŪ qararynyŋ teŋ demeuşılerınıŋ bırı bolǧany üşın şynaiy rizaşylyǧyn bıldıre otyryp, ekı eldıŋ ornyqty damudy, aimaqtyq tūraqtylyqty nyǧaitu jäne köpjaqty yntymaqtastyq arqyly jahandyq syn-qaterlerdı şeşuge degen ortaq mındettemesın atap öttı.
13. Prezidentter osy resmi sapar barysynda qol jetkızılgen uaǧdalastyqtar ekı el arasyndaǧy jan-jaqty yntymaqtastyqtyŋ damuyna tyŋ serpın beretınıne senım bıldırdı.
14. Sloveniia Respublikasynyŋ Prezidentı Qazaqstan Respublikasy Prezidentın jaqyn arada Liublianaǧa saparmen keluge şaqyrdy. Būl sapar ekıjaqty qatynastardy odan ärı nyǧaituǧa jäne ekı el arasyndaǧy yntymaqtastyqty tereŋdetuge mümkındık beredı.
