Öŋırlık ekologiialyq sammit aiasynda Qazaqstan men Resei Ükımetaralyq komissiiasynyŋ teŋ töraǧalary - Qazaqstan Respublikasy Premer-ministrınıŋ orynbasary - ūlttyq ekonomika ministrı Serık Jūmanǧarin men Resei Federasiiasy Ükımetı töraǧasynyŋ orynbasary Aleksei Overchuk ekıjaqty kezdesuı ötkızdı.
Serık Jūmanǧarin Resei Qazaqstannyŋ negızgı strategiialyq jäne sauda-ekonomikalyq ärıptesınıŋ bırı ekenın atap öttı.
Ötken jylǧy qorytyndy boiynşa özara sauda kölemı $27,4 mlrd-qa jettı. İnvestisiialyq yntymaqtastyqtyŋ oŋ serpını saqtaluda: soŋǧy 20 jylda reseilık investorlar Qazaqstan ekonomikasyna $28,5 mlrd tıkelei investisiia qūiǧan. Osy kezeŋde Reseige $9 mlrd qazaqstandyq investisiia salyndy.
Qazaqstanda Reseidıŋ qatysuymen 22 myŋnan astam kompaniia jūmys ısteidı. Būl şeteldık kapitaly bar käsıporyndardyŋ jalpy sanynyŋ 35%-ynan astam.
Kezdesu barysynda keŋ auqymdy ekıjaqty özara ıs-qimyl mäselesı qaraldy. «Soltüstık – Oŋtüstık» halyqaralyq kölık dälızınıŋ şyǧys baǧytyn damytudy jäne basqa da mäselelerdı qosqanda, kölık salasyna basty nazar audaryldy.
Ertıs özenınıŋ su şaruaşylyǧy men su-energetikalyq paidalanyluynyŋ negızgı josparyn daiyndau barysy da ǧylymi-zertteu jūmysy formatynda talqylandy. Qazırgı uaqytta ekı eldıŋ salalyq vedomstvolaryna tehnikalyq kömek körsetu turaly şart jobasy pysyqtaluda.
Auyl şaruaşylyǧy salasynda qazaqstandyq tarap qoldanystaǧy şekteulerdı alyp tastau mäselesın köterdı. Būl jerde äŋgıme qazaqstandyq astyq pen būrşaq daqylyn Resei Federasiiasynyŋ teŋız porttary arqyly jinaqtap, tranzitteu turaly, sondai-aq üşınşı elderden şyqqan zyǧyr, jasymyq, künbaǧys tūqymdaryn, kesılgen gülder men bürşıkterdı sebu üşın äkelu turaly bolyp otyr.
Auyl şaruaşylyǧy vise-ministrı Ermek Kenjehanūly atap ötkendei, būl mäsele 2024 jyldan berı kün tärtıbınde tūr. Osy uaqyt ışınde bırqatar pozisiiadaǧy şekteu alynyp tastaldy. Onyŋ ışınde qyzanaq, būryş jäne jekelegen aimaqtardan bidai jetkızu bar. Būl rette söz bolyp otyrǧan önım sanattary boiynşa şekteu saqtaluda.
Ol ötken jyldan bastap osy önımdı jetkızu kezınde sanitarlyq jäne karantindık talaptyŋ būzyluy tırkelmegenın, osyǧan bailanysty qazaqstandyq tarap qalǧan şekteulerdı alyp tastau mümkındıgın qarastyrudy ūsynyp otyrǧanyn atap öttı.
Kezdesu qorytyndysynda taraptar syndarly şeşım äzırleu üşın aitylǧan barlyq mäselenı odan ärı pysyqtauǧa daiyn ekendıkterın rastady.
