Kezdesu barysynda taraptar ekıjaqty yntymaqtastyqtyŋ joǧary deŋgeiın atap ötıp, Euraziialyq ekonomikalyq odaq aiasynda sauda-ekonomikalyq bailanystardy odan ärı nyǧaituǧa niettı ekenderın bıldırdı.
Arman Şaqqaliev Armeniianyŋ Qazaqstan üşın senımdı ekonomikalyq ärıptes qana emes, sondai-aq özara senım men qoldauǧa negızdelgen tyǧyz odaqtas ekenın atap öttı. Taraptar qazırgı geoekonomikalyq jaǧdaida özara saudany, önerkäsıptık kooperasiiany jäne investisiialyq yntymaqtastyqty keŋeituge zor mümkındık bar ekenın atap öttı.
«Armeniia naryǧy qazaqstandyq öŋdelgen önımder eksportyna airyqşa qyzyǧuşylyq tanytyp otyr. Bügınde bız jalpy somasy 348,2 mln AQŞ dollarynan asatyn şikızattyq emes 70-ke juyq tauar pozisiiasyn jetkızu boiynşa jūmys jürgızıp jatyrmyz. Armeniia Ükımetımen bırlesıp jetkızu şarttaryn naqtylauǧa daiynbyz», –dedı Arman Şaqqaliev.
Kezdesu aiasynda eksportty qoldau qūraldaryna da erekşe nazar audaryldy. 2023 jyldyŋ nauryz aiynda ūiymdastyrylǧan biznes-missiia barysynda qazaqstandyq käsıpkerler armian importtauşylarmen jäne sauda jelılerınıŋ ökılderımen kezdesıp, bırqatar kelıssözder ötkızdı. Atap aitqanda, auyl şaruaşylyǧy önımderın qaita öŋdeu salasyndaǧy bırlesken öndırısterdı qūru, sondai-aq «Qazaqstannyŋ eksporttyq-kredittık agenttıgı» AQ tarapynan eksportqa baǧyttalǧan jobalardy qarjylandyru jäne saqtandyru mäselelerı qarastyryldy. Qazaqstandyq tarap armian ärıptesterın osy bastamalarǧa belsendı türde qatysuǧa şaqyrdy.
Ministrler sauda-ekonomikalyq yntymaqtastyq jönındegı Ükımetaralyq komissiianyŋ üilestıruşı organ retındegı maŋyzdy rölın atap öttı. Komissiianyŋ 11-otyrysyn 2025 jylǧy 10 mausymda beinekonferensiia formatynda ötkızu josparlanyp otyr. Kezdesu kün tärtıbınde logistikalyq marşruttardy damytu, retteuşı räsımderdı üilestıru, sifrlandyru jäne bırlesken salalyq bastamalardy ıske asyru mäselelerı qarastyrylmaq.
Sondai-aq Memleket basşysynyŋ 2023 jylǧy säuır aiynda Armeniiaǧa jasaǧan sapary barysynda qol qoiylǧan 2024–2025 jyldarǧa arnalǧan sauda-ekonomikalyq yntymaqtastyq jönındegı jol kartasyn ıske asyru mäselesıne erekşe nazar audaryldy. Qūjat özara saudany yntalandyru, infraqūrylymdy jäne bırlesken öndırısterdı damytu, tehnikalyq jäne äkımşılık kedergılerdı joiu şaralaryn qamtidy.
Kezdesu soŋynda eksport şarttary men tehnikalyq retteu salasyndaǧy jekelegen mäseleler talqylandy. Qazaqstan tarapy öz ūstanymynyŋ aşyqtyǧyn rastai otyryp, Euraziialyq ekonomikalyq odaqtyŋ qoldanystaǧy normalary men ūlttyq zaŋnama şeŋberınde kedergılerdı joiu boiynşa bırlesıp jūmys ısteuge daiyn ekenın mälımdedı.
