Qazaqstan Respublikasynyŋ Premer-ministrı Oljas Bektenov pen Cheh Respublikasynyŋ Premer-ministrı Andrei Babiş Astanada ekı eldıŋ ısker toptary ökılderınıŋ basyn qosqan «Qazaqstan-Chehiia» biznes forumyna qatysty. Jiynda sauda-ekonomikalyq jäne investisiialyq yntymaqtastyqty, önerkäsıp kooperasiiasyn damytuǧa, sondai-aq maşina jasau, kölık, energetika, IT, aviasiia önerkäsıbı jäne basqa da salalardaǧy bırlesken jobalardy jüzege asyruǧa nazar audaryldy.
Forumǧa qatysuşylarǧa arnaǧan alǧysözınde QR Premer-ministrı Oljas Bektenov biznespen jäne investorlarmen dialogtı damytu Qazaqstan üşın basym mänge ie ekenın atap öttı.
«Memleket basşysy Qasym-Jomart Toqaevtyŋ tapsyrmasyna säikes, Qazaqstan proaktivtı investisiialyq saiasatty jüzege asyruda jäne ūzaqmerzımdı investorlar üşın aşyq bolyp qala bermek. Biznespen senımdı dialog qūru – būl jūmystyŋ maŋyzdy bölıgı. Bügın qazaqstandyq jäne chehiialyq kompaniialardyŋ köptegen ökılderın körgenıme quanyştymyn. Bır-bırımızdıŋ myqty jaqtarymyzdy paidalana otyryp jäne yntymaqtastyqtyŋ jaŋa baǧyttaryn qarastyryp, bız özara tiımdı serıktestık qūra alamyz», — dep atap öttı Oljas Bektenov.
«Qazaqstan, būl – qūrlyqtar arasyndaǧy köpır ǧana emes, innovasiialar men strategiialyq investisiialar üşın de jahandyq hab. Bızdıŋ qarym-qatynasymyz özara syilastyqtyŋ jäne tabysty jobalardyŋ däleldengen täjıribesıne negızdelgen. Qazaqstanǧa degen qyzyǧuşylyq – bız üşın ūzaq merzımdı strategiialyq basymdyq», — dep atap öttı Chehiia Premer-ministrı Andrei Babiş.
Jüzege asyrylyp jatqan İnvestisiialyq saiasat şeŋberınde Qazaqstanda biznes üşın jaǧdailardy jaqsartu boiynşa şaralar qabyldanuda. «Bäiterek» holdingı ūlttyq investisiialyq holding bolyp qaita qūryldy. Kazakh Invest ūlttyq kompaniiasynyŋ prioritettı naryqtarǧa qatysu auqymy keŋeiude, bıryŋǧai qoldau ortalyǧy retınde Kazakhstan Investment House qūru josparlanuda. Bas prokuratura janynan İnvestorlardyŋ qūqyqtaryn qorǧau komitetı qūryldy. Irı investorlar üşın zaŋnamanyŋ 25 jylǧa deiıngı tūraqtylyǧyn qamtamasyz etetın investisiialyq kelısımder közdelgen.
Jürgızılıp jatqan jūmystardyŋ nätijesınde ötken jyly Qazaqstan ekonomikasyna tartylǧan tıkelei şeteldık investisiialar kölemı 14,4%-ǧa ösıp, jalpy somasy $20,5 mlrd-qa jettı. BŪŪ Aziia men Tynyq mūhitqa arnalǧan Ekonomikalyq jäne äleumettık komissiiasy (ESKATO) derekterıne säikes, QR aumaǧynda nölden bastap qūrylatyn jaŋa jobalarǧa $19 mlrd tıkelei şeteldık investisiialar salyndy (greenfield project). Būl Ortalyq Aziiadaǧy barlyq öŋıraralyq salymdardyŋ 89%-yn qūrady.
Cheh kompaniialarynyŋ Qazaqstanmen özara ıs-qimyldy keŋeituge jäne naryqtaǧy qatysuyn arttyruǧa qyzyǧuşylyǧy atap ötıldı. Özara tabysty ıs-qimyl mysaldarynyŋ bırı – Škoda Auto kompaniiasynyŋ $8,2 mln-ǧa avtokölık qūrastyru jobasyn ıske qosuy. BBS käsıporny osy jyldyŋ soŋyna deiın $9 mln-ǧa jylu almastyrǧyş jabdyqtar öndırısın bastaudy josparlap otyr. Energetikalyq sektorda būryn jasalǧan uran jetkızu turaly ūzaqmerzımdı kelısım şeŋberınde «Qazatomönerkäsıp» ŪAK» AQ-men ČEZ kompaniiasynyŋ serıktestıgı perspektivaly bolyp sanalady.
Forum qorytyndysy boiynşa Qazaqstan men Chehiia kompaniialary arasynda yntymaqtastyq turaly 6 memorandumǧa qol qoiyldy. Energetika, kölık, maşina jasau, saqtandyru jäne taǧy da basqa salalarda bırlesken käsıporyndar qūru közdelgen.
Ükımettıŋ baspasöz qyzmetı
#Oljas Bektenov #QR Premer-ministrı #Halyqaralyq yntymaqtastyq #Sifrlandyru
