Atalǧan jūmys Memleket basşysynyŋ Zaisan, Katon-Qaraǧai jäne Kendırlı kurorttyq aimaqtarynda üş jaŋa äuejai salu jönındegı tapsyrmasy aiasynda jürgızılude. Nysandaǧy qūrylys jūmysynyŋ barysyn kölık ministrı Marat Qarabaev pen Şyǧys Qazaqstan oblysynyŋ äkımı Nūrymbet Saqtaǧanov tekserdı.
Qatonqaraǧai audanyndaǧy äuejai Belqaraǧai auyly maŋyndaǧy 266 gektar jerde ornalasady. Äuejai aimaqtyŋ klimattyq jäne geografiialyq jaǧdaiyn eskere otyryp salynuda. Joba aiasynda aldaǧy uaqytta keŋeitu mümkındıgı bar 2,2 myŋ metrlık ūşu-qonu jolaǧy qarastyryldy. Bombardier Q400, ATR-72 jäne basqa da ūqsas tiptegı zamanaui äue kemelerın qabyldau közdelgen. Sonymen qatar joba aiasynda tolyqqandy infraqūrylym qūru: 4 äue kemesıne arnalǧan perron, 4 myŋ şarşy metrlık zamanaui aerovokzal, komandalyq-dispetcherlık punkt, apattyq-qūtqaru qyzmetı, meteostansa jäne radionavigasiialyq jabdyqtar qarastyrylǧan. Äuejaidyŋ ötkızu qabıletı saǧatyna 150 jolauşyny qūraidy, būl aimaq üşın oŋtaily ärı ornyqty äue qatynasy üşın tūraqty negız bolmaq.
«Qazırdıŋ özınde Qatonqaraǧaiǧa jylyna 100 myŋǧa juyq turist keledı. Aldaǧy bes jylda būl körsetkış 250 myŋ adamǧa deiın artady dep kütılude. Būl baǧyt qazaqstandyq jäne şeteldık qonaqtar arasynda sūranysqa ie. Nysan qoldanysqa tapsyrylǧan soŋ Katon-Qaraǧaidan Astanaǧa, Almatyǧa jäne Öskemenge, sondai-aq Altai men Qanasqa (QHR), Baian-Ölgeige (Moŋǧoliia) deiın qatynaityn halyqaralyq reister aşylady. Kölık ministrlıgı jūmystyŋ oryndalu merzımı men sapasyn jıtı baqylaidy», — dep atap öttı kölık ministrı Marat Qarabaev.
Şyǧys Qazaqstan oblysynda turizm salasyn odan ärı damytu üşın Kölık ministrlıgı turistık nysandarǧa aparatyn barlyq joldardy jöndeidı.
«Biyl Qalbatau – Maiqapşaǧai tas jolynyŋ qūrylysy aiaqtalady. Altai men Qatonqaraǧai eldı mekenderı arasyndaǧy, odan ärı Rahman qainaryna deiıngı uchaskede jūmystar jürgızılıp jatyr. Marqaköl kölıne deiın kölık qozǧalysyn qamtamasyz etu üşın biyldan bastap Terektı – Ūrynhai jolyn jöndeu, sonymen qatar jalpy ūzyndyǧy 120 şaqyrymdy qūraityn Austriia jolyndaǧy köpırler men qūbyrlardy jöndeu josparlanǧan. Būdan bölek, Abai oblysy baǧytyna qarai Semei qalasyna deiın, sondai-aq Ridder jäne Şemonaiha qalalaryna deiın joldar jöndelıp jatyr, būl qosymşa turister aǧynyn qamtamasyz etedı», — dedı kölık ministrı Marat Qarabaev.
«Būl auqymdy joba öŋır üşın ülken serpılıs bolyp, ekonomikalyq ösudıŋ jaŋa mümkındıkterın aşady. Äuejailardyŋ qūrylysy turizmnıŋ damuyna, kölık-logistika infraqūrylymynyŋ nyǧaiuyna jäne şeteldık investisiia tartuǧa quatty serpın beredı. Jaŋa käsıporyndar aşylyp, qosymşa jūmys oryndary qūrylyp, salyq tüsımderı artady dep kütılude. Nätijesınde, öŋırde halyq tabysynyŋ ösuıne, tūrmys sapasynyŋ jaqsaruyna jäne oblystyŋ äleumettık-ekonomikalyq äleuetınıŋ odan ärı nyǧaiuyna yqpal etetın aitarlyqtai multiplikativtı äser bolady», — dep atap öttı öŋır äkımı Nūrymbet Saqtaǧanov.
