Sondai-aq Kökşe jerınde ötken Ūlttyq qūryltaidyŋ kezektı otyrysynda köptegen salmaqty ūsynys aitylyp, qoǧamdy tolǧandyryp jürgen maŋyzdy mäseleler köterılgenın atap öttı.

– Eldık ıste küş bırıktıru – bırtūtas ūltqa tän qasiet. Sızder ärdaiym azamattyq jauapkerşılıktıŋ ozyq ülgısın körsetıp jürsızder. Barşaŋyzǧa zor rizaşylyǧymdy bıldıremın. Ramazan aiy – «Ailardyŋ sūltany». Osy kezde azamattarymyz igı amaldar jasauǧa tyrysady. Mūqtaj jandarǧa kömektesedı. İman keltırıp, ruhani jaǧynan tazarady. Tüptep kelgende, mūnyŋ bärı jūrtymyzdyŋ yntymaǧyn arttyrady. Berekelı bırlıgımızdı bekemdei tüsedı, – dedı Qasym-Jomart Toqaev.

Memleket basşysy ozyq oily ūlt retınde tek alǧa qadam basuǧa şaqyrdy.

– Qazırgı būlyŋǧyr, tūraqsyz älemde halqymyzdyŋ tūtastyǧy asa maŋyzdy. Sondyqtan bärımız sanaly, sabyrly bolaiyq, aǧaiyn! Halyqqa negızgı saiasatymyzdy dūrys tüsındıreiık. Jappai jūrtqa ülgı bolaiyq. El ışındegı daryndy, qabılettı azamattarǧa, eŋ aldymen, jastarǧa jol bereiık. Bız bır el, bır halyq bolyp, eleulı özgerısterdı bırge jasap jatyrmyz. Qazaqstannyŋ saiasi jüiesın tolyq jaŋǧyrttyq. Jaŋa ekonomikalyq baǧdarymyzǧa sai naqty josparymyzdy jüzege asyratyn boldyq. Bügınde jan-jaqty reformalar öz jemısın berıp jatyr. Osy jolda Ūlttyq qūryltaidyŋ erekşe röl atqarǧany sözsız. Sızderdıŋ bastamalaryŋyz köptegen mäselenı uaqtyly şeşuge yqpalyn tigızude. Būl baǧyttaǧy jūmys jalǧasa beredı. Men «Ana tılı» gazetıne bergen sūhbatymda elımızdıŋ aldynda tūrǧan jaŋa mındetterdı atap öttım. Negızgı maqsat – barşaǧa bırdei mümkındık beretın Ädılettı Qazaqstandy qūru. Būl adal azamattardyŋ qolynan keletın ıs. Adal azamatqa tän qasietter islamnyŋ gumanistık ideialarymen tereŋ astasady, – dep sabaqtady sözın Prezident.