Jiynǧa Premer-Ministr Oljas Bektenov, Ükımet müşelerı, Ūlttyq bank töraǧasy, oblystar men Astana, Almaty jäne Şymkent qalalarynyŋ äkımderı, ortalyq memlekettık organdar men ūlttyq kompaniialardyŋ jetekşılerı qatysty. Memleket basşysy jiyn barysynda Ükımet jūmysynyŋ basty baǧyttaryn aiqyndady. Atap aitqanda, Qasym-Jomart Toqaev ekonomikany ärtaraptandyru, infraqūrylymdy damytu ısın jaŋa deŋgeige köteru, sifrlyq tehnologiiany jan-jaqty engızu, energetikany damytu jäne iadrolyq klaster qūru, agroönerkäsıp keşenınıŋ äleuetın arttyru, salyq-biudjet saiasatyn reformalau, maŋyzdy jobalardy qarjy közderımen qamtamasyz etu, sondai-aq äleumettık qoldau ısın rettep, densaulyq saqtau, bılım beru jäne ǧylym salasyn odan ärı damytu jönındegı naqty mındetter men josparlarǧa toqtaldy.
Prezidenttıŋ pıkırınşe, alǧa qoiǧan mındetterdı jüzege asyru üşın tūtas memlekettık apparat tiımdı jūmys ısteuı kerek.
– Jaŋa däuırdıŋ syn-qaterlerı az emes. Ony eŋseru üşın bızge tiıstı strategiia kerek. Men reformalardyŋ naqty baǧyty men ony jüzege asyru joldary turaly osyǧan deiın de aittym. Ükımet el ekonomikasyn tūralap qaludan saqtap, ornyqty damudy qamtamasyz etu üşın kürdelı şeşımder qabyldauy kerek jäne eŋ bastysy sol şeşımderdı ıske asyruǧa tiıs. Būl – joǧary bılıktı ärı jauapkerşılık aluǧa daiyn memlekettık qyzmetşılerdıŋ qolynan keletın jūmys. Älemdık täjıribege qarasaq, memlekettık apparattyŋ tiımdılıgı osyndai kürdelı kezeŋderde aiqyn körınedı. Ükımet qanşalyqty qiyn bolsa da, jappai ünemdeuge köşıp, biudjet qarjysyn tek qana asa özektı mäselelerdı şeşuge jūmsauy kerek. Körpege qarai kösıletın uaqyt keldı. Orynsyz şyǧyndy toqtatyp, aiaǧymyzdy tartyp basu qajet, – dedı Qasym-Jomart Toqaev.
Jiynda Premer-Ministr Oljas Bektenov elımızdıŋ ötken kezeŋdegı äleumettık-ekonomikalyq damuy men Ükımettıŋ biylǧa arnalǧan josparlary turaly baiandady. Premer-Ministrdıŋ orynbasary – Ūlttyq ekonomika ministrı Serık Jūmanǧarin elımızdıŋ fiskaldyq jüiesın, iaǧni salyq jäne biudjet salasyn reformalauǧa qatysty ūstanymdardy tanystyrdy. Aqşa-nesie saiasatyna qatysty mäseleler boiynşa Ūlttyq bank töraǧasy Timur Süleimenov söz söiledı. «Samūryq-Qazyna» qorynyŋ basqarma töraǧasy Nūrlan Jaqypov qordyŋ qyzmetı turaly esep berdı.
Būdan bölek, Astana qalasynyŋ äkımı Jeŋıs Qasymbek, Şymkent qalasynyŋ äkımı Ǧabit Syzdyqbekov jäne Qyzylorda oblysynyŋ äkımı Nūrlybek Nälıbaev baiandama jasady.
Aqparat: Aqorda.kz
