Barşaŋyzdy Konstitusiia künımen qūttyqtaimyn!

Osydan 30 jyl būryn ötken referendumda halqymyz Ata zaŋyn qabyldap, tarihi taŋdauyn jasady.

Konstitusiiamyz Qazaqstan Respublikasy täuelsızdıgınıŋ, qazaq memlekettılıgınıŋ berık tūǧyryna ainaldy. Onda ūltymyzdyŋ bügının jäne bolaşaǧyn aiqyndaityn myzǧymas qūndylyqtar men qaǧidattar naqty körınıs tapty.

Ata zaŋ Qazaqstannyŋ barlyq azamatynyŋ müddesın ūltyna, dınıne qaramastan bırdei qorǧaityn äleumettık memleket retındegı qūqyqtyq ırgetasyn qalyptastyrdy. Konstitusiia qoǧamdyq kelısım men ışkı tūraqtylyqtyŋ basty kepılı sanalady. San türlı saladaǧy jetıstıkterge osy negızgı zaŋymyzǧa süiene otyryp qol jetkızdık.

Üş jyl būryn el damuynyŋ jaŋa tarihi kezeŋındegı mındetterge säikes, auqymdy konstitusiialyq reforma jasaldy. Onyŋ basty nätijesı – saiasi jüienıŋ «Küştı Prezident – yqpaldy Parlament – esep beretın Ükımet» tūjyrymdamasynyŋ negızınde jaŋǧyruy.

Konstitusiialyq reformada adam qūqyqtaryn qorǧauǧa, Zaŋ men tärtıp üstemdıgın ornyqtyruǧa basa män berıldı. Ata zaŋǧa älemdık täjıribede būryn-soŋdy bolmaǧan, innovasiialyq sipattaǧy bırqatar jaŋa ereje engızıldı. Qazaqstannyŋ konstitusiialyq reformasyna Venesiia komissiiasy jäne özge de bedeldı halyqaralyq ūiymdar, sondai-aq şeteldık sarapşylar oŋ baǧasyn berdı.

Ädılettı, Taza, Quatty ärı Qauıpsız Qazaqstan qūramyz desek, azamattarymyz Ata zaŋdy qūrmettep, onyŋ barlyq erejesın mültıksız saqtauy kerek.

Qazaqstan Respublikasynyŋ strategiialyq maqsattaryna ūltymyzdy jūmyldyratyn Konstitusiiamyzdyŋ aiasynda barşa azamatymyzdyŋ Otanymyzdy örkendetu üşın jasampazdyqpen eŋbek etuıne barlyq jaǧdai jasalǧan.

Elımızdıŋ barşa azamatyna zor densaulyq, baq-bereke tıleimın!

Akorda.kz