Memleket basşysy jariialaǧan «Zaŋ men Tärtıp» qaǧidatyn ıske asyru aiasynda Aral audanynda tūrǧyndarmen aqparattyq-tüsındıru kezdesuı öttı. Jiyndy audan äkımınıŋ orynbasary N. Bohaev jürgızdı. Kezdesuge Qyzylorda oblysy boiynşa Ekonomikalyq tergep-tekseru departamentınıŋ ökılderı qatysyp, qarjy piramidalarynyŋ belgılerı, alaiaqtardyŋ jiı qoldanatyn täsılderı jäne kümändı investisiialyq jobalardan saqtanu joldary turaly keŋınen tüsındırdı.

Şara barysynda tūrǧyndarǧa jeke qarajattyŋ qauıpsızdıgın qamtamasyz etu, sifrlyq alaiaqtyqtan qorǧanu jäne qarjylyq şeşım qabyldau kezınde saqtyq şaralaryn saqtau jönınde jan-jaqty aqparat berıldı.

Kezdesu barysynda tūrǧyndar özderın tolǧandyrǧan saualdaryn qoiyp, mamandardan tolyqqandy jauap aldy. Sondai-aq zaŋ būzuşylyqtardyŋ aldyn aluda är azamattyŋ jauapkerşılıgı men qūqyqtyq mädeniettı qalyptastyrudyŋ maŋyzdylyǧy erekşe atap ötıldı.

Is-şara soŋynda qatysuşylarǧa aqparattyq jadynamalar taratylyp, kümändı qarjylyq ūsynystarǧa senbeuge jäne zaŋsyz äreketterge tap bolǧan jaǧdaida qūzyrly organdarǧa dereu habarlasuǧa şaqyryldy.