Qaraǧandy oblysy alǧaşqy ūlttyq AI Governance Cup baiqauynyŋ jeŋımpazdarynyŋ bırı atandy. Öŋır «Sifrlyq reanimasiia» jobasyn ūsynyp, üzdık dep tanyldy. Būl joba — medisinalyq derekterdı naqty uaqyt rejimınde ziiatkerlık türde jinau men taldauǧa arnalǧan jüie. Baiqaudyŋ finaly Astanada Memleket basşysy Qasym-Jomart Toqaevtyŋ qatysuymen öttı.
Biyl nauryz aiynda bastalǧan baiqauǧa memlekettık organdardan, kvazimemlekettık sektor ūiymdarynan jäne äkımdıkterden barlyǧy 184 ötınım tüsken. Jobalardy qazaqstandyq jäne halyqaralyq sarapşylardan qūralǧan komissiia baǧalady. Olardyŋ qatarynda QR Prezidentı janyndaǧy jasandy intellekttı damytu jönındegı keŋes ökılderı de boldy. Halyqaralyq saraptamaǧa, atap aitqanda, Sinovation Ventures negızın qalauşy Kai-Fu Li men Stenford universitetınıŋ professory Piter Norvig qatysty.
Qaraǧandy oblysy «AI Azamattarǧa qyzmet» nominasiiasy boiynşa jeŋımpaz atansa, özge bes nominasiiada da laureattar anyqtaldy.
Baiqaudy Jasandy intellekt jäne sifrlyq damu ministrlıgı men Memlekettık qyzmet ısterı agenttıgı ūiymdastyrdy.
AI Governance Cup — üzdık täjıribelermen almasuǧa jäne tabysty sifrlyq şeşımderdı el kölemınde keŋınen engızuge arnalǧan alaŋ retınde qarastyrylǧan.
