Memleket basşysy Qasym-Jomart Toqaev Qaraǧandy oblysynda «ArselorMittal Temırtau» aksionerlık qoǧamyna qarasty Kostenko atyndaǧy şahtada bolǧan ört saldarynan qaza tapqan kenşılerdıŋ otbasylary men tuǧan-tuystaryna köŋıl aitty, - dep habarlady Ras.kz portaly Aqorda.kz ke sılteme jasai otyryp.
– Men Memleket basşysy retınde barşaŋyzǧa köŋıl aitamyn. Būl – qasıret. Bärın tüsınemın. Apat boldy. Apattyŋ kesırınen köptegen adam qaza tapty. Sondyqtan būl jerge arnaiy keldım. Tiıstı şaralar qabyldaimyz, sonyŋ ışınde zardap şekkenderdıŋ otbasylaryna kömek körsetemız. Qaza tapqandar men zardap şekkenderdıŋ otbasylary eşqandai mūqtajdyq körmeuı üşın Ükımet, äkımdık jäne qaiyrymdylyq ūiymdarynyŋ aldynda jan-jaqty kömek körsetu mındetı tūr, – dedı Prezident.
Memleket basşysy bükıl elımız boiynşa 29 qazan Jalpyūlttyq aza tūtu künı bolyp jariialanatynyn jäne «ArselorMittal Temırtau» kompaniiasyna qatysty tiıstı şara qabyldanatynyn jetkızdı.
– Erteŋ bükıl elımız boiynşa jalpyūlttyq aza tūtu künı jariialanady. Men «ArselorMittal Temırtau» kompaniiasymen investisiialyq yntymaqtastyqty toqtatu jönınde tapsyrma berdım. Būl mekeme Ükımetpen jäne käsıporynmen yntymaqtastyq tūrǧysynan bızdıŋ tarihymyzdaǧy eŋ naşar kompaniia boldy. Endı käsıporynnyŋ özıne qatysty şaralar qabyldau turaly oilanuymyz kerek. Basin Vadim Borisovich degen azamat bar. Sızder ony bılesızder. Ol bır kezderı «ArselorMittalda» jūmys ıstegen. Oblys äkımınıŋ orynbasary boldy. Men oǧan qaityp kelıp, käsıporyndy basqarudy tapsyramyn. Käsıporynnyŋ qazırgı basşylyǧynyŋ qolynan eşteŋe kelmeidı, – dedı Qasym-Jomart Toqaev.
Memleket basşysynyŋ aituynşa, jer astynda qalǧan kenşılerdı qūtqaru, zardap şekken jäne qaza bolǧan azamattardyŋ otbasylaryna jan-jaqty kömek körsetu – kezek küttırmeitın mındet.
– Eŋ aldymen, qūtqaru jūmystary jürgızıledı. Ekınşıden, zardap şekkender men medisinalyq kömekke mūqtaj azamattardyŋ naqty sanyn anyqtauymyz kerek. Üşınşıden, osy apattan zardap şekkenderdıŋ barlyǧynyŋ otbasyna materialdyq kömek körsetemız. Eger qajet bolsa, arnaiy qor aşamyz. Mūnymen özım ainalysamyn, – dedı Prezident.
Sonymen qatar Memleket basşysy qazırgı uaqytta kenşılerdıŋ zeinetke şyǧu jasyna qatysty mäsele qarastyrylyp jatqanyn aitty.
foto Aqorda.kz
