Memleket Qasym-Jomart Toqaev Qaraǧandy oblysyndaǧy «ArselorMittal Temırtau» aksionerlık qoǧamyna qarasty Kostenko atyndaǧy şahtada bolǧan apat saldaryn joiu jönındegı jedel ştab otyrysyn ötkızdı, - dep habarlaidy Ras.kz portaly Aqorda.kz saityna sılteme jasai otyryp.
Eŋ aldymen, qūtqaru jūmystarynyŋ barysy jäne qazırgı ahual turaly Tötenşe jaǧdailar ministrı Syrym Şärıphanov baiandady.
– Apat kezınde şahtada 252 adam bolǧan. 206 qyzmetker öz betınşe köterıldı. Qazırgı uaqytta apattyq-qūtqaru jūmystaryna 10 bölımşe, 55 tau-ken qūtqaruşy jäne 12 tehnika jūmyldyryldy. Jūmystar ekı öndıru uchaskesı aumaǧynda jürgızılude. Jaŋa ört oşaqtary baiqalmaidy. Jūmys täulık boiy jalǧasady, – dedı Syrym Şärıphanov.
Memleket basşysy Tötenşe jaǧdailar ministrınıŋ baiandamasyn tyŋdap bolǧannan keiın ızdestıru-qūtqaru jūmystaryn barlyq qajettı küştı tarta otyryp, küşeitılgen rejimde jalǧastyrudy tapsyrdy.
– Jaŋa ǧana azamattar är 10-15 minut saiyn aqparat berıp tūru mäselesın köterdı. Mümkındıgınşe qamtamasyz etu kerek. Halyqpen qarym-qatynas jasaityn bır ökıl bolsyn. Jūrtşylyqty aqparatsyz qaldyruǧa bolmaidy. Būl – öte şetın ärı müldem jol beruge bolmaityn mäsele. Bız kün-tün demei, soŋyna deiın küresuımız kerek, – dedı Qasym-Jomart Toqaev.
Mūnan soŋ Densaulyq saqtau ministrı Ajar Ǧiniiat zardap şekken azamattarǧa körsetılıp jatqan medisinalyq kömek turaly mälımet berdı.
– Medisinalyq kömek jedel ärı tolyq körsetılıp jatyr. Ärtürlı deŋgeide gazdan ulanǧandar toksikologiia bölımşesınde em aluda. Medisinalyq kömek körsetuge barlyq därıger jūmyldyryldy, – dedı Ajar Ǧiniiat.
Sonymen qatar Eŋbek jäne halyqty äleumettık qorǧau ministrı Svetlana Jaqypova qaza tapqan kenşılerdıŋ otbasylaryna qandai äleumettık kömek körsetıletının aitty.
– Qaza tapqan azamattardyŋ otbasylaryna asyrauşysynan airyluyna bailanysty järdemaqy taǧaiyndalady. Ol respublikalyq biudjetten, äleumettık saqtandyru qorynan jäne ömırdı saqtandyru kompaniiasynan tölenedı. Järdemaqy kölemınıŋ jalpy ortaşa mölşerı asyrauyndaǧy adamdar 18 jasqa tolǧanǧa deiın ai saiyn 400-500 myŋ teŋgeden bastalady. Eger balalar joǧary oqu oryndarynda bılım alyp jatqan bolsa, onda 23 jasqa deiın tölenedı. Äzırge barlyq tölemdı öteu «ArselorMittal Temırtau» kompaniiasyna jükteledı. Käsıporyn ūjymdyq şartqa säikes jyldyq tölem täuekelderın töleuge mındettı. «ArselorMittal Temırtau» kompaniiasy jerleu räsımderıne bailanysty barlyq şyǧyndy, sondai-aq balalardy joǧary oqu oryndarynda oqytudy öz moinyna aluǧa tiıs, – dedı Svetlana Jaqypova
Premer-Ministr Älihan Smaiylov Ükımet «ArselorMittal Temırtau» kompaniiasynyŋ aksionerlerımen aldyn ala uaǧdalastyqqa qol jetkızgenın jäne käsıporynǧa tiesılı menşık qūqyǧyn Qazaqstan Respublikasynyŋ paidasyna beru jönındegı mämılenı resımdeu prosesı aiaqtaluǧa jaqyn ekenın baiandady.
Ükımettık komissiia müşelerınıŋ baiandamalaryn tyŋdaǧan Prezident apatty joiu jäne kenşılerdı qūtqaru üşın barlyq şarany qabyldaudy, sondai-aq qaza tapqan jäne zardap şekken azamattardyŋ otbasylaryna jan-jaqty kömek körsetu jönınde tapsyrma berdı.
– Sızderdıŋ mındetterıŋız – adamdarmen tıkelei jūmys ısteu, kezdesu, sondai-aq jedel topty qajettı qūral-jabdyqtarmen qamtamasyz etu. Bız qazır qalyptasqan jaǧdaidy tüsındıru, eŋ bastysy, şeşım qabyldau üşın jūmyla jūmys ısteuımız kerek. Jergılıktı äkımdık tiıstı şeşım qabyldauy qajet. Käsıporynnyŋ sūranystaryna süiene otyryp, qajettı närsenıŋ bärın anyqtaŋyzdar. Ükımettık komissiia barlyq mäselenı pysyqtauǧa tiıs. Men ne ısteu kerek ekenın aittym. Ärkım özıne qatysty jūmysty bıledı. Ministrler, basşylar özderınıŋ jūmys täsılderın bıluı kerek. Prezident är oqiǧa saiyn kelıp, tapsyrma beredı dep kütıp otyruǧa bolmaidy. Vadim Borisovich Basinge käsıporyndy basqarudy öz qolyna aludy tapsyramyn. Ükımet pen äkımdıkke jan-jaqty tiıstı kömek körsetudı, Tötenşe jaǧdailar ministrlıgıne müddelı qūrylymdarmen bırlesıp, apat saldaryn joiu jäne kenşılerdı qūtqaru üşın barlyq şaralardy qabyldaudy tapsyramyn. Işkı ıster ministrlıgı zardap şekken adamdardyŋ otbasylarymen jūmys ısteuı kerek. Ükımettık komissiiaǧa azamattardyŋ qaza boluyna äkep soqtyrǧan örttıŋ män-jaiyn tergeudı, barlyq kınälılerdı jauapqa tartudy tapsyramyn, – dedı Qasym-Jomart Toqaev.
Foto Aqorda.kz saitynan
