Bügın Prezident saiabaǧynda 1 mamyr - Qazaqstan halqynyŋ bırlıgı künıne arnalǧan «BIRLIK. DOSTYQ. BEREKE» atty merekelık şara öttı.
Saiabaqta qolöner şeberlerınıŋ ūlttyq naqyştaǧy būiymdary men jas suretşılerdıŋ şyǧarmaşylyq tuyndylary qoiylǧan körme köpşılık nazaryna ūsynyldy. Gülder jäne qūstar festivalı keluşılerge erekşe äser men köterıŋkı köŋıl-küi syilady.
Qyzylorda qalasynyŋ äkımı Nūrjan Ahatov jinalǧan jūrtşylyqty beibıtşılıktıŋ, kelısımnıŋ mereilı meiramymen qūttyqtady.
«Memleket basşysynyŋ bastamasymen qolǧa alynǧan «Taza Qazaqstan» jalpyūlttyq baǧdarlamasy aiasynda tūrǧyndardyŋ ömır süru sapasyn arttyruǧa baǧyttalǧan jobalar jemısın berude.
Sonyŋ bır aiǧaǧy – Prezident saiabaǧy. Būl oryn qyzylordalyqtardyŋ jiı kelıp, jan sergıtetın jaily mekenıne ainaldy. Aldaǧy künderı osy aumaqta jyldyŋ tört mezgılınde jūmys ısteitın balalar tynyǧu lagerı men Botanikalyq baq paidalanuǧa berıledı. Bılım men tärbie, tanym men taǧylym ūştastyrylyp, öskeleŋ ūrpaqqa mol mümkındık ūsynylady.
Bügın, mıne, jaŋa saiabaqtyŋ saiasynda halqymyzdyŋ ruhani jäne jasampaz qūndylyqtary därıptelıp, Bırlık künı airyqşa ataluda.
Būl – yntymaq pen dostyqty nyǧaitatyn meiram.
Bır maqsat, jarqyn bolaşaq jolynda bırıkken halqymyz üşın aituly künnıŋ bäsı biık. Ūlt danalyǧynda «Yrys aldy yntymaq» - degen taǧylymdy söz bar.
Rasynda, yntymaqqa ūiysqan jerde yrys jüredı. Yrysymyz tasysa, el eŋsesın tıkteidı, memlekettıŋ mereiı üstem bolady. Bızdıŋ qasterlı Qazaqstanymyzda bırlık ūǧymy ärkez bırınşı orynda.
Barlyq etnos ökılderı elımızdegı igılıkterge tılekşı.
Bügınde Syr boiyndaǧy 30 - dan astam etnos ökılderı öŋırımızdı örkendetu jolynda türlı salalarda eselı eŋbek etıp, aimaq damuyna airyqşa atsalysyp keledı.
Oblysymyzda 11 etnomädeni bırlestık pen 9 qoǧamdyq qūrylym tabysty jūmys jürgızude. Qazaqstan halqynyŋ bırlıgı künı merekesımen barşaŋyzdy taǧy da qūttyqtap, denderıŋızge saulyq, otbasylaryŋyzǧa amandyq tıleimın!Egemen elımızdıŋ eŋsesı biık, Täuelsızdıgımızdıŋ tūǧyry berık bolsyn!»,- dedı qala äkımı.
Merekelık baǧdarlama aiasynda etnos ökılderı öner körsetıp, körermen qauymǧa än-jyrdan tartu ūsyndy. Oryndalǧan patriottyq şyǧarmalar qoǧamdaǧy bırlık pen tatulyq qūndylyqtaryn keŋınen nasihattap, maŋyzyn aiqyndai tüstı.
Aita ketu kerek, ötken jyly Qazaqstan halqy Assambleiasynyŋ 30 jyldyǧy aiasynda Qyzylorda qalasynda «Qazatomönerkäsıp» ūlttyq atom kompaniiasynyŋ demeuşılıgımen«Dostyq üiınıŋ» jaŋa ǧimaratynyŋ ırgetasy qalanǧan bolatyn.
Aimaq basşysynyŋ qoldauymen nysan biyl paidalanuǧa berılıp, onda V Ūlttyq qūryltai öttı.
Bügınde «Dostyq üiı» qoǧamdyq kelısım men etnosaralyq tatulyqty nyǧaituǧa baǧyttalǧan bastamalardy jüzege asyratyn maŋyzdy ruhani-mädeni ortalyqqa ainaldy.
@Qyzylorda oblysy äkımınıŋ baspasöz qyzmetı
