Elımızge memlekettık saparmen kelgen Vetnam Kommunistık partiiasy Ortalyq komitetınıŋ Bas hatşysy To Lam saltanatty ıs-şaraǧa qūrmettı qonaq retınde qatysty.

Memleket basşysy paradta söilegen sözınde Ūly Jeŋıs – tarihymyzdyŋ ajyramas bölıgı jäne küllı älemge ülken sabaq bolǧanyn atap öttı.

- Bız eldık üşın küresken batyr babalardy ūlyqtaimyz. Otan qorǧau jolynda opat bolǧan bozdaqtarǧa taǧzym etemız. Beibıt kündı qyraǧy küzetıp tūrǧan sarbazdarǧa qūrmet körsetemız,-  dedı Qasym-Jomart Toqaev.

Paradqa Qazaqstan Qaruly küşterı qūramynda jäne basqa da qūrylymdarda qyzmet etetın 4 myŋnan asa adam qatysty. Sondai-aq 200-den asa äskeri qaru-jaraq pen tehnika, 66 äskeri aviasiia ūşaǧy men tıkūşaǧy körsetıldı.

Bas alaŋǧa 5 myŋnan astam körermen jinaldy. Olardyŋ ışınde soǧys jäne tyl ardagerlerı, diplomatiialyq korpus pen halyqaralyq ūiymdardyŋ ökılderı, deputattar men qoǧam qairatkerlerı, elımızdıŋ är aimaǧynan kelgen delegattar, äskeri-patriottyq klubtardyŋ jas sarbazdary bar.