Almaty oblysynda patruldık polisiia qyzmetkerı batyldyq pen sabyrlyq tanytyp, janarmai beketınde jarylystyŋ aldyn aldy. Oqiǧa 10 mamyr künı Ūzynaǧaş auylynda boldy. Qyzmettık aumaǧyn baqylau kezınde patruldık polisiia inspektory Miras Tastandy janarmai qūiu beketınde tūrǧan GAZel kölıgınıŋ otqa oranǧanyn baiqady. Jaǧdaidyŋ auyr ekenın jäne jarylys qauıpın tüsıngen polisei sol jerdegı ekı azamatpen bırge otty söndıruge dereu kırısken. Olardyŋ jedel ärı üilesımdı äreketınıŋ arqasynda ört der kezınde toqtatyldy. Aita ketu kerek, eger eşkım äreket etpegende, jalyn janarmai saqtalǧan rezervuarlarǧa jetıp, auyr zardaptarǧa soqtyruy mümkın edı.