Is-şara aiasynda salanyŋ 2024 jylǧy jūmysy qorytyndylandy. Byltyr ışkı turister sany 10,5 million adamǧa jetıp, 2023 jylmen salystyrǧanda 900 myŋǧa artty. Jalpy alǧanda, 2024 jyly elımızge 15,3 million şeteldık qonaq kelgen. Būl körsetkışke jūmys babymen nemese tūraqty tūruǧa kelgen meimandardyŋ sany kırmeitının aita ketken jön. Bır jyl ışınde 10,4 million adam elde bır künnen artyq uaqyt bolǧan.
Otyrys barysynda investisiia tartu men turistık infraqūrylymdy damytu mäselelerıne erekşe nazar audaryldy. Salada negızgı kapitalǧa salynǧan investisiia kölemı 947,5 milliard teŋgenı qūrap, ornalastyru oryndarynyŋ sany 4 303-ke jettı. Bır mezgılde qabyldau syiymdylyǧy 226 myŋnan astam tösek-orynǧa deiın ūlǧaidy.
Sonymen qatar jiyn barysynda Memleket basşysynyŋ bergen tapsyrmalarynyŋ oryndalu barysy da talqylandy. 2025 jyly Şuche-Burabai kurorttyq öŋırın damytuǧa arnalǧan Keşendı jospar bekıtıldı. Jospar aiasynda biyl aimaqta 118 ıs-şara ıske asyrylady. Basty jobalardyŋ qatarynda – injenerlık jelıler, su qūbyrlary, qūtqaru stansiialary qūrylysy, jaǧajailar men temır jol vokzaldardy abattandyru, sondai-aq Burabai kentınde 1000 oryndyq Kongress-ortalyq salu bar.
Būdan bölek, turistık qyzmetterdıŋ sapasyn arttyru, agroturizmdı damytu, qonaqüilerdıŋ jaŋa klassifikasiia jüiesın engızu jäne mamandar daiarlau mäselelerı de köterıldı. Türkıstan qalasyndaǧy Halyqaralyq turizm jäne meimandostyq universitetı sala mamandaryn daiarlaityn maŋyzdy bılım beru ortalyǧyna ainalǧany aityldy. Onda qazırgı zamanǧa sai baǧdarlamalar boiynşa 3 myŋǧa juyq student bılım aluda.
«Elımızde ekoturizmdı damytuǧa mümkındık beretın tabiǧi resurstar jetkılıktı. Ekonomikalyq yntymaqtastyq jäne damu ūiymynyŋ esebıne säikes, ekologiialyq turizm aldaǧy onjyldyqtardaǧy negızgı trendterdıŋ bırı bolmaq. Sondyqtan bız barlyq müddelı taraptarmen bırlese otyryp, bäsekege qabılettı ärı tūraqty turistık infraqūrylym qalyptastyruymyz qajet. Būl Qazaqstanǧa halyqaralyq deŋgeide laiyqty oryn ielenuge jol aşady», — dedı Erbol Myrzabosynov.
Bırlesken otyrys turistık salanyŋ tūraqty damuyna jäne Qazaqstannyŋ halyqaralyq bäsekege qabılettılıgın arttyruǧa baǧyttalǧan jüielı bastamalardy talqylauǧa arnalǧan maŋyzdy alaŋǧa ainaldy.
Baspasöz qyzmetı
