Batys Qazaqstan oblysy boiynşa Qarjylyq monitoring agenttıgınıŋ departamentı jürgızgen tergeu barysynda aiyptaluşynyŋ äleumettık jelılerde özın tabysty käsıpker retınde tanystyryp, azamattarǧa 1 100 evro mölşerınde qolma-qol aqşa investisiialau arqyly päter satyp aluǧa aqşa jinau mümkındıgın ūsynǧany anyqtaldy.
İnvestisiialanǧan somadan jyl saiyn 20%-dan astam tabys pen 10 jyl ışınde päter satyp alu ūsynylǧan.
Sonymen qatar, azamattarǧa jaŋa salymşylardy tartqan bolsa passivtı tabys alu mümkındıgı ūsynylyp, ärbır tartylǧan jarnadan 2%-dan 18%-ǧa deiın tabys alu uäde etılgen.
Nätijesınde piramidanyŋ ıs-äreketıne aiyptaluşy 42 adamdy tartyp, 56 mln teŋgeden astam şyǧyn keltırgen.
Qylmystyq ıs aiasynda jürgızılgen «Follow the money» prinsipı boiynşa qarjylyq tergeu nätijesınde, zaŋsyz alynǧan aqşalai qarajatqa aiyptaluşy astanadaǧy elitalyq tūrǧyn üi keşenınen 85 mln teŋgege päter satyp alǧany anyqtaldy. Būl päter, mümkın bolatyn tärkıleuden jasyru maqsatynda, senımdı tūlǧaǧa räsımdelgen.
Sot ükımımen ol QK 217-baby 3-bölıgı 2-tarmaǧy (qarjylyq piramida qūru jäne oǧan jetekşılık etu) jäne QK 218-baby 3-bölıgı 3-tarmaǧy (qylmystyq jolmen alynǧan aqşany jäne basqa mülıktı zaŋdastyru) boiynşa kınälı dep tanylyp, 5,6 jylǧa bas bostandyǧynan aiyru jazasy taǧaiyndaldy.
Qylmystyq jolmen alynǧan qarajatqa satyp alynǧan päter azamattyq talap-aryzdar boiynşa keltırılgen ziiandy öteuge jūmsaldy.
Qarjylyq monitoring agenttıgı 2024 jyly 42 qarjylyq piramidany joiǧanyn aita ketu kerek.
Shemalardyŋ ūiymdastyruşylary salymşylarǧa 20 mlrd teŋgeden astam ziian keltırgen. Onyŋ 13 mlrd teŋgeden astamy qaitarylyp, 78 adam sottaldy.
Sonymen qatar, alaiaqtyq shemalaryn jarnamalaityn 15 myŋnan astam sait pen akkaunt būǧattaldy, «WhatsApp», «Telegram» jäne «Instagram» messendjerlerınde 327 chat jabyldy, būl 2 millionnan astam azamattyŋ qarjylyq şyǧyndarynyŋ aldyn aluǧa mümkındık berdı. Aita keteiık, Agenttıkte qarjy piramidalarynyŋ belgılerın tekseruge mümkındık beretın «Baiqa, piramida!» Telegram-boty ıske qosuly.
Eger Sız nemese jaqyndaryŋyz qarjy piramidasynyŋ äreketıne tap bolsa, tūrǧylyqty jerıŋız boiynşa Ekonomikalyq tergep-tekseru departamentıne jügınudı sūraimyz.
Azamattardy saq boluǧa jäne kümändı qarjylyq ūiymdarǧa jinaqtaryn salmauǧa şaqyramyz
