«Jūrttyŋ jaǧasyn ūstatqan jaǧdai Almaty oblysy Talǧar audanynda boldy. Qoǧamdy qamyqtyratyny sol, soŋǧy uaqytta jasöspırımderdıŋ bır-bırın aiausyz soqqyǧa jyǧuy, qorlauy, eŋ soraqysy arty ölımge aparatyn qaiǧyly jaittar jiılep kettı. Keşe ǧana Talǧardaǧy dükende bolǧan jaǧdai esımızdı ekeu, tüsımızdı törteu qyldy. Talǧardaǧy teksızderdıŋ tentektıgınen 16 jasar bala, bır äulettıŋ aimaŋdai azamaty - Şerzat köz jūmdy. Äkesı men bauyry soqqyǧa jyǧyldy. Balanyŋ ajalyna ne sebep degen sūraq tuady. Sondaǧysy - bır bötelke alkogol. Osyndaida «bızdıŋ qoǧam qauıpsız be özı, zaŋ kımnıŋ jaǧynda?» degen sūraq tuady. Sebebı, Şerzattyŋ äkesı tergeudıŋ tūralap tūrǧanyn, audandaǧy qūzyrly oryn ökılderınıŋ ıstı sozbaqqa salyp jatqanyn, qylmyskerdı qoiyp balasynan airylǧan otbasyn tünde tergeuge şaqyryp alyp, öktem söilegenın aityp beineündeu jasady. El öre türegeldı, artynşa «ıstı Işkı ıster ministrı öz baqylauyna aldy» degen aqparat tarady. Qoǧamdy qorqytatyny osy, qylmyskerdı jazalau üşın, ädıldıkke jetu üşın beineündeu jasap, är ıstı bır ministrdıŋ baqylauǧa alǧanyn kütıp otyru kerek pe?! Nege jergılıktı jerdegı qūqyq qorǧau oryndary dereu ıstıŋ aq-qarasyn anyqtap, ädıl tergeu ötkızbeidı?», - dedı N. Särsenǧaliev.

Būl tūrǧyda deputat özınıŋ bırneşe ūsynysyn jariialady.

Bırınşıden, Almaty oblysy Talǧar audanynda 16 jasar azamatty öltırgen, jaqyndaryn aiausyz sabaǧan qylmyskerler qamauǧa alynyp, olarǧa zaŋǧa säikes ädıl jaza berıluı tiıs.

«Ekınşıden, atalǧan ıs boiynşa barlyq qūqyq qorǧau organdary tıze qosyp, oqiǧanyŋ zaŋdy qūqyqtyq baǧasyn tez arada beruı qajet. Üşınşıden, bılım beru ūiymdarynda «Qūqyq negızderı» atty pän bar. Bıraq onyŋ sapasyna qatysty syn köp. Atalǧan pännıŋ baǧdarlamasyn qaita jasap, balalar ömırde betpe-bet keletın jaittar men ömırden alynǧan naqty keisterge süienıp oqytu kerek. Törtınşıden, Memleket basşysy ūsynǧan Zaŋ men Tärtıp qaǧidatyna süiene otyryp, eldegı qūqyq qorǧau jüiesıne, polisiiaǧa degen halyq senımın küşeitu, qoǧam közqarasyn özgertu boiynşa jalpymemlekettık deŋgeide keşendı şaralar qabyldau qajet», - dedı ol.

Eske salaiyq, būǧan deiın 4 qazan künı Talǧar qalasyndaǧy töbelesten jasöspırım qaitys bolǧan edı.

Almaty oblysynyŋ Polisiia departamentı Talǧar qalasynda 16 jastaǧy jasöpırımnıŋ ölımıne qatysy bar küdıktılerdıŋ Qonaev qalasyna jetkızılgenın habarlady.

Işkı ıster ministrı Talǧardaǧy jasöspırımnıŋ ölımıne qatysty ıstı baqylauǧa aldy.