Is-şaraǧa Parlament Mäjılısınıŋ deputaty Mūrat Äbenov, jauapty salalardyŋ, qūqyq qorǧau organdarynyŋ basşylary, sala ardagerlerı men ziialy qauym ökılderı qatysty. Aimaq basşysy audan tūrǧyndaryn jaŋa mekteptıŋ aşyluymen qūttyqtap, atqarylǧan jūmystarǧa toqtaldy.
«Memleket basşysynyŋ töraǧalyǧymen ötken Ükımettıŋ keŋeitılgen otyrsynda öŋırdıŋ äleumettık-ekonomikalyq damu qorytyndylaryn baiandadym. Prezidentımız oblysymyzdyŋ ekonomikalyq ösımıne oŋ baǧasyn berdı. Osy jiynda Memleket basşysy Qasym-Jomart Kemelūly: «Biyl «Jaily mektep» ūlttyq jobasy aiaqtalady. Barlyq aimaqta zaman talabyna sai tırek mektepter jelısı qūrylyp jatyr. Menıŋ tapsyrmammen üş jyl ışınde taǧy 1300 mektep jaŋǧyrtudan ötedı» – degen bolatyn.
Prezidentımızdıŋ, Ükımettıŋ erekşe qoldauymen Syr öŋırınde baiypty bastamalar qolǧa alynyp, jasampaz jobalar jüzege asuda. Bız ūrpaq bılımın arttyruǧa, qoǧamda ūstaz bedelın köteruge ärkez müddelımız. Tūraqty qoldaudyŋ arqasynda öŋırımızdıŋ bılım salasy tabysqa jettı. Säuletı jaŋarǧan mektepter boi köterdı.
Ötken jyly bılım salasyna bölıngen qarjy 270 mlrd teŋge bolsa, biylǧy biudjetı 308 mlrd 134 mln teŋgege jettı, iaǧni 16,9 paiyzǧa artty. Jaŋa mektepterdıŋ aşyluy – jai ǧana ǧimarattardyŋ salynuy emes, būl jaŋa däuırde bılım alatyn ozat oquşylarǧa jaŋa mümkındıkter syilau.
Memleket basşysynyŋ bastamasymen jüzege asqan «Jaily mektep» ūlttyq jobasy aiasynda öŋırde 6 900 oquşyǧa arnalǧan 10 mektep qūrylysy bastalyp, oblys ortalyǧyndaǧy 900 oryndyq alǧaşqy mekteptı ötken jyldyŋ qazan aiynda tabystadyq.
Jyl basynda Jaŋaqorǧan audanynyŋ «Jaŋaryq» auylynda, Aral qalasynda 300 oryndyq, Qyzylorda qalasynda 600 oryndyq mektepterdı paidalanuǧa berdık. Jyl ışınde taǧy 5 «Jaily mekteptıŋ» qūrylysyn aiaqtaimyz.
Bügın, mıne, «Samūryq-Qazyna» aksionerlık qoǧamynyŋ üilestıruımen jüzege asyrylǧan, qūny 4 mlrd 709 mln teŋge bolatyn 600 oryndyq «Jaily mekteptı» el igılıgıne tabystaudamyz. Bız būl arqyly Jaŋaqorǧan kentınde qarqyndy ösıp kele jatqan «Saiajai» şaǧyn audanyndaǧy balalarymyz baratyn memlekettık mekteptıŋ mäselesın şeştık. Endı oquşylarǧa basqa mektepterge qatynaudyŋ qajetı joq.
Aldymyzda naqty josparlarymyz ben bastamalarymyz älı de köp. Olardy ıske asyru baǧytyndaǧy jūmystarymyzdy jalǧastyra beremız. Quanyştaryŋyz qūtty bolsyn!» – dedı Nūrlybek Nälıbaev.
Jiynda Mūrat Äbenov audan tūrǧyndaryn jaŋa mekteptıŋ aşyluymen qūttyqtap, qoǧam qairatkerı, Qyzylorda oblysynyŋ qūrmettı azamaty İbragim Äbibullaev batasyn berdı.
Aita keteiık, ötken jyly aimaǧymyzda 6 mektep boi köterıp, 5 mektepke qosymşa ǧimarat el igılıgıne tabystaldy. Osylaişa Aral audany Toqabai auylyndaǧy №248, Şielı kentındegı №252 jäne Janseiıt auylyndaǧy №133 apatty mektepterdıŋ mäselesı şeşıldı.
«QazGermūnai» kompaniiasynyŋ demeuşılıgımen Qyzylorda qalasynda zamanaui ülgıdegı 350 oryndyq «Oquşylar saraiy», Jaŋaqorǧan audanynda 200 oryndyq «Oquşylar üiı» men 50 oryndyq «Öner mektebı» el igılıgıne tabystaldy. Jyl ışınde Şielı audanynda da 200 oryndyq «Oquşylar üiı» men 50 oryndyq «Öner mektebı» jūmysyn bastaidy.
Oblys ortalyǧyndaǧy «Şyǧarmaşylyq akademiiasy», muzykalyq kolledjdıŋ jaŋa ǧimaraty mamyr aiynda, daryndy balalarǧa arnalǧan fizika-matematika mektep-internaty nauryz aiynda aiaqtalmaq.
Biyl «Bılım beru infraqūrylymyn qoldau qory» esebınen Aral audanynyŋ «Jalaŋaş» auylynan 150 oryndyq mektep salynady. Byltyr 3 mlrd 100 mln teŋgege 8 mektep ǧimaratyna kürdelı jöndeu jürgızıldı.
Memleket basşysynyŋ 1 300 mekteptı jaŋǧyrtu tapsyrmasyna säikes aldaǧy 3 jyl ışınde oblystaǧy 51 mektep, onyŋ 9-y biyl kürdelı jöndeuden ötedı.
Saltanatty ıs-şarada Jaŋaqorǧan audanynyŋ äleumettık-ekonomikalyq damuyna üles qosqan azamattar men zamanaui bılım ordasynyŋ qūrylysyn jürgızgen merdıger mekemenıŋ qyzmetkerlerı marapattaldy.
