Aimaq basşysy avtomobil joldarynyŋ sapasyna qatysty tapsyrmalar jüktedı.

«Ötken jyly Memleket basşysy Qasym-Jomart Kemelūly Atyrau qalasyndaǧy Ūlttyq qūryltaidyŋ otyrysynda «Avtokölık joldary – eldıŋ ekonomikalyq jäne äleumettık tynys-tırşılıgınıŋ küretamyry. Sapaly jol jalpyūlttyq mındetke ainaluy kerek. Joldyŋ sapasy jaqsarmai, elımızdıŋ damuy turaly söz qozǧau mümkın emes» dep atap aitty.

Būǧan deiıngı jol salasyna qatysty mäjılısterde sapaǧa basa män berudı tapsyryp kelemın. Būl rette Jol aktivterı Ūlttyq sapa ortalyǧynyŋ rölı erekşe. Ortalyq oblystaǧy 91 jobadan 1884 synama alyp, 138 aqaudy anyqtaǧan. Onyŋ ışınde Qyzylorda qalasyndaǧy 31 jobadan anyqtalǧan 14 aqau bügıngı künge deiın qalpyna keltırılmegen. Kemşılıktı tüzetudı şūǧyl arada qolǧa alyŋyzdar.

Merdıger mekemeler qūrylys jūmystaryna zamanaui tehnika men tehnologiialardy paidalanyp, sapaly ärı merzımınde oryndauy tiıs. Aldaǧy uaqytta sapasyz jūmys üşın merdıger mekemelermen qosa, avtorlyq jäne tehnikalyq qadaǧalauşylar da jauapty bolatynyn eskerıŋızder.

Oblystyq jolauşylar kölıgı jäne avtomobil joldary basqarmasy, Qyzylorda qalasy jäne audan äkımderı bırlesıp avtomobil joldary men köşelerdıŋ, rekonstruksiialau, jöndeu jūmystarynyŋ sapasyn qataŋ baqylauǧa alyŋyzdar. Biylǧa mejelengen jūmystardyŋ sapaly atqaryluyn qamtamasyz etıŋızder», – dedı N.Nälıbaev.

Oblys aumaǧyndaǧy jergılıktı maŋyzy bar avtomobil joldarynyŋ ūzyndyǧy 3545 şaqyrym, onyŋ 1025 şaqyrymy – respublikalyq, 555 şaqyrymy – oblystyq, 1965 şaqyrymy – audandyq maŋyzy bar avtomobil joldary.

Byltyr 300 şaqyrymnan astam jol jöndeuden ötıp, jaqsy jaǧdaidaǧy joldar ülesı 92 paiyzǧa jettı. Biyl respublikalyq jäne oblystyq biudjetten bölınıgen qarjyǧa 329 şaqyrym joldar men köpırlerdı jöndeu josparlanuda. Būl arqyly jaqsy jaǧdaidaǧy joldar ülesı 95 paiyzǧa jetkızılmek.