Memleket basşysynyŋ memlekettık biudjettı tiımdı paidalanu tapsyramasy aiasynda, Qarjylyq monitoring agenttıgı infraqūrylymdyq jäne äleumettık jobalardy ıske asyru barysynda artyq şyǧyndar täuekelderın barynşa azaitu jönındegı jūmysty jürgızude. Atalǧan jūmys jergılıktı atqaruşy organdarmen jäne kvazimemlekettık sektor ökılderımen bırlesıp jüzege asyryluda. Aǧymdaǧy jyldyŋ qaŋtar aiynan bastap 34 joba boiynşa 79 mlrd teŋgeden astam somaǧa biudjet qarajatynyŋ şyǧyndary qysqartyldy. Mäselen, Qaraǧandy oblysynda «Qaraǧandy Su» JŞS Negızgı su tazartu qūrylystarynyŋ bloktaryn qaita jaŋartu» jobasynyŋ JSQ äzırleu satysynda qūbyrlardyŋ 5 türınıŋ qūny artyq jobalanǧany anyqtaldy.

Bırlesken jūmys qorytyndysy boiynşa jobanyŋ mälımdelgen smetalyq qūny 23 mlrd teŋgeden 16,8 mlrd teŋgege deiın tömendetıldı, nätijesınde 6,1 mlrd teŋge ünemdeldı.

Sol sekıldı, «Jaily mektep» ūlttyq jobasyn taldau barysynda öndıruşı nemese olardyŋ distribiutorlary bolyp tabylmaityn jetkızuşılerdıŋ ūsynystary negızınde interaktivtı sensorlyq paneldıŋ qūnyn arttyru faktısı anyqtaldy.

Agenttık «QazQSǦZİ» AQ-men özara ıs-qimyl nätijesınde panelderdıŋ baǧasy naryqtyq deŋgeige deiın tömendetıldı, būl 14 mlrd teŋge mölşerınde artyq şyǧyntardyŋ aldyn aluǧa mümkındık berdı.

QMA būl baǧyttaǧy jūmysty elımızdıŋ barlyq öŋırlerınde jürgızude.

Aita keteiık, Qarjylyq monitoring agenttıgınıŋ qylmystyq ıske jetkızbei, erte satyda ūrlyq täuekelderın boldyrmau arqyly köleŋkelı ekonomikaǧa qarsy ıs-qimyl prizmasy arqyly memleket pen adal biznestıŋ müddelerın qorǧauǧa baǧyttalǧan.