Kezdesu barysynda QR Prezidentı Qasym-Jomart Toqaev pen RF Prezidentı Vladimir Putin arasynda ekıjaqty sauda kölemın arttyru boiynşa qol jetkızılgen uaǧdalastyqtardy ıske asyru mäselelerı talqylandy.
Ekı el arasyndaǧy sauda-ekonomikalyq, ǧylymi-tehnikalyq jäne mädeni-gumanitarlyq yntymaqtastyqty keŋeitu josparlary qaraldy. Önerkäsıp kooperasiiasy, auyl şaruaşylyǧy, energetika, kölık önerkäsıbı jäne basqa da salalardaǧy özara ıs-qimyldy nyǧaitu jönındegı mındetterdı jüzege asyruǧa nazar audaryldy.
Resei – Qazaqstannyŋ basty sauda serıktesterınıŋ bırı. Ötken jyldyŋ 11 aiynda özara sauda kölemı $24,2 mlrd-qa jettı. Ekı memleket basşylary arasyndaǧy tauar ainalymyn $30 mlrd-qa deiın jetkızu jönındegı uaǧdalastyqtaryna qol jetkızu maqsatynda tasymaldanatyn tauarlar atalymyn keŋeitu maŋyzdy. Ekonomikalyq yntymaqtastyqtyŋ 2021-2025 jyldarǧa arnalǧan keşendı baǧdarlamasyn ıske asyrudyŋ oŋ nätijelerı atap ötılıp, aldaǧy kezeŋge jaŋartylǧan baǧdarlamany äzırleu qajettıgı naqtylandy.
2024 jylǧy 10 aidyŋ qorytyndysy boiynşa auyl şaruaşylyǧy önımderınıŋ ainalymy 5%-ǧa ösıp, $3,2 mlrd-tan asty.
Önerkäsıp kooperasiiasy salasynda bügıngı taŋda $18,6 mlrd-qa qazaq-reseilık 99 joba ıske asyryldy. Qazaqstanda jaŋa bırlesken jobalardy jüzege asyru perspektivalary qaraldy.
Qazaqstan arqyly tranzittık tasymaldau joǧary qarqynmen damyp keledı. Osyǧan bailanysty avtokölık jäne temırjol infraqūrylymyn damytuǧa, sondai-aq su kölıgı salasynda jaŋa balamaly baǧyttar aşuǧa köŋıl bölınude.
«Memleket basşylary Qasym-Jomart Toqaev pen Vladimir Putinnıŋ bırlesken küş-jıgerınıŋ arqasynda ekıjaqty yntymaqtastyǧymyz sapaly jaŋa deŋgeige köterıldı. Maŋyzdy mındet – joǧary deŋgeide qol jetkızılgen uaǧdalastyqtardyŋ ıs jüzınde oryndaluyn qamtamasyz etu. Qazaqstan Ükımetı tyǧyz özara ıs-qimyl jasauǧa jäne barlyq salada yntymaqtastyqty damytuǧa daiyn», — dep atap öttı Oljas Bektenov.
«Qazaqstan – bızdıŋ strategiialyq serıktesımız ärı odaqtasymyz. Bızdıŋ qarym-qatynasymyz dostyq, tatu körşılık, özara syilastyq jäne bır-bırınıŋ müddelerın eskeru qaǧidattaryna negızdelgen. Vladimir Putinnıŋ Qazaqstanǧa memlekettık sapary barysynda qarym-qatynastarymyzdy odan ärı damytu jönınde maŋyzdy uaǧdalastyqtarǧa qol jetkızıldı. Ekı el ükımetterınıŋ mındetı -- köşbasşylarymyz qol jetkızgen kelısımderdıŋ mültıksız oryndaluyn qamtamasyz etu», — dep atap öttı Mihail Mişustin.
Kelıssözder nätijesınde taraptar strategiialyq ärıptestıktı nyǧaituǧa jäne barlyq baǧyt boiynşa bırlesken jūmysty jalǧastyruǧa uaǧdalasty.
Aqparat: primeminister.kz
