Ortaǧa şyǧyp, söz alǧandardyŋ ışınde Qyzylorda oblysynyŋ äkımı Nūrlybek Nälıbaev ta boldy. Nūrlybek Mäşbekūlynyŋ baiandamasynda Memleket basşysynyŋ tapsyrmasymen öŋırde atqarylyp jatqan ırgelı ıster, Ükımettık jobalar men memlekettık baǧdarlamalar jüielı qamtylǧan. Äkım baiandaǧan basty jūmystardyŋ bır sypyrasyn baiandasaq.
OBLYSTAǦY QŪRYLYS QARQYNY JOǦARY
Qyzylorda oblysynda qūrylys jūmystary respublikalyq orta körsetkışten 41 paiyzǧa joǧary deŋgeide jüzege asyryluda. Būl turaly Memleket basşysy Qasym-Jomart Toqaevtyŋ töraǧalyǧymen ötken Ükımettıŋ keŋeitılgen otyrysynda oblys äkımı Nūrlybek Nälıbaev mälım ettı.
Tūrǧyn üi kezegındegı azamattarǧa 2 500-den astam päter tabystaldy. Aimaqta jaŋa äleumettık nysandar boi köterude. 2024 jyly 69 jaŋa ǧimarat salynyp, bügınde 25 bılım, 16 densaulyq saqtau, 11 mädeniet, 17 sport nysany el igılıgıne qyzmet etude. «Jaily mektep» ūlttyq jobasy aiasynda 21 mektep salu josparlanǧan. Bügınde 5 bılım ordasy paidalanuǧa berıldı, 5 mektep jaŋa oqu jylyna deiın tabystalady. «Auylda densaulyq saqtaudy jaŋǧyrtu» ūlttyq jobasy aiasynda 28 nysan salyndy.
Oblystyŋ barlyq auylyndaǧy densaulyq saqtau mekemelerıne 245 jaŋa sanitarlyq kölık alynyp, jedel järdem mäselesı tolyq şeşıldı. Memleket basşysynyŋ bastamasymen qūrylǧan «Qazaqstan halqyna» qory öŋırdıŋ densaulyq saqtau salasyn damytuǧa 4 mlrd. teŋge qarjy böldı. Būl qarjyǧa Aral, Jaŋaqorǧan audandary men Qyzylorda qalasynda «Qamqorlyq» oŋaltu ortalyqtary aşyldy. Mūnan bölek, qordyŋ 1 mlrd. 100 mln. teŋge qarjysyna skrining jürgızuge arnalǧan jyljymaly keşen alynyp, auyl tūrǧyndaryna üzdıksız medisinalyq qyzmet körsetude.
Jergılıktı käsıpkerlerdıŋ demeuşılıgımen 50 mlrd. teŋgege juyq qarjyǧa oblys ortalyǧy men audandarda jaŋa ǧimarattar, parkter, oiyn alaŋdary salynyp, memleket teŋgerımıne öttı.
«AUYL AMANATY» JOBASY AIаSYNDA AUQYMDY JŪMYSTAR ATQARYLUDA
Qyzylorda oblysynda «Auyl amanaty» jobasy aiasynda soŋǧy ekı jylda 601 joba (4,3 mlrd.teŋge) jüzege asyrylyp, 917 jaŋa jūmys orny aşyldy. Biyl 815 jobany (5,5 mlrd. teŋgege) ıske qosyp,1 myŋnan astam (1060) jūmys ornyn aşu josparlanǧan. Būl turaly Memleket basşysy Qasym-Jomart Toqaevtyŋ töraǧalyǧymen ötken Ükımettıŋ keŋeitılgen otyrysynda oblys äkımı Nūrlybek Nälıbaev atap öttı.
Osy baǧytta şaǧyn öndırıs ortalyqtaryn qūruǧa basymdyq berılude. Şaruaşylyq qūrylymdarynyŋ äleumettık jauapkerşılıgı şeŋberınde käsıbın bastauşylardy ǧimaratpen, kepıldıkpen qamtamasyz etu täjıribesı engızıldı.
Eske salaiyq, ötken jyly «Öŋırlık jūmyspen qamtu kartasy» aiasynda 49 myŋnan astam adam jūmyspen qamtyldy.
«Jūmysşy mamandyqtary jyly» aiasynda biyl agro-industriialyq jobalarǧa qajet mamandar daiarlau üşın memlekettık tapsyrys sany 5 308 orynǧa deiın ūlǧaityldy. Rasynda, "Auyl amanaty" boiynşa özge öŋırler älı de qolǧa ala qoimaǧan tırlıkter, Qyzylorda oblysynda osydan köp uaqyt būryn qolǧa alyndy. Nätijesınde, respublikalyq körsetkışke köz jügırtsek, öŋırdıŋ köş ılgerı ekenın baiqaimyz.
SU ÜNEMDEU TEHNOLOGİIаLARY KEŊINEN QOLDANYLUDA
Memleket basşysy Qasym-Jomart Toqaevtyŋ töraǧalyǧymen ötken Ükımettıŋ keŋeitılgen otyrysynda oblys äkımı Nūrlybek Nälıbaev ötken jyly Syr elınde su ünemdeu tehnologiialaryn keŋınen qoldanu arqyly auyl şaruaşylyǧy daqyldarynan mol önım alynǧanyn aitty. Eske salaiyq, byltyr aimaqta jarty million tonnaǧa juyq kürış (gektaryna 58 sentnerden, 496,4 myŋ tonna) öndırıldı.
Auyl şaruaşylyǧy salasyna tartylǧan investisiia 2023 jylmen salystyrǧanda 32 paiyzǧa artty. 2025-2029 jyldary 57 mlrd. teŋgege 29 jaŋa joba jüzege asyrylady (488 jaŋa jūmys orny).
Aita keteiık, Memleket basşysynyŋ qoldauymen memleketaralyq kelısımder nätijesınde soŋǧy 2 jylda Aral teŋızındegı su kölemı 4 mlrd. tekşe metrge deiın artty (2022 jyly – 18,5 mlrd. tekşe metr, 2024 jyly – 22,3 mlrd. tekşe metr, SAT kölemı – 27 mlrd. tekşe metr). Būl balyq şaruaşylyǧynyŋ damuyna, ekologiialyq ahualdyŋ jaqsaruyna oŋ septıgın tigızude. Baiandamanyŋ mazmūnyn ıştei ūqqqan Memleket basşysy Qasym-Jomart Toqaev öŋır äkımıne sudy ünemdeudıŋ eko jüiesın tiımdı paidalanuda ülken ıs tyndyrǧanyn atap öttı.
QYZYLORDADA AUQYMDY İNVESTİSİIаLYQ JOBALAR JÜZEGE ASYRYLUDA
Memleket basşysy Qasym-Jomart Toqaevtyŋ töraǧalyǧymen ötken Ükımettıŋ keŋeitılgen otyrysynda oblys äkımı Nūrlybek Nälıbaev baiandama jasap, öŋırdegı investisiialyq jobalar turaly aitty.
Ekonomikany ärtaraptandyruda 2024 jyly aimaqta 37 mlrd. teŋgenıŋ 21 investisiialyq jobasy ıske qosyldy.
Negızgı kapitalǧa 640 mlrd. teŋge investisiia tartylyp, ösım 21,7 paiyzdy qūrady (respublikanyŋ ortaşa körsetkışınen 14 paiyzǧa joǧary, QR – 107,5%). Onyŋ 70,5 paiyzy – jeke investisiia. Şetel investorlarymen nätijelı jūmystyŋ arqasynda 9 ai qorytyndysymen 171 mln. AQŞ dollary kölemınde tıkelei investisiia tartylyp, ösım 16,6 paiyzǧa jetken.
2025-2029 jyldary aimaqta qūny 1 trln. 900 mlrd. teŋge bolatyn 65 investisiialyq joba ıske asyrylyp, 8 100 jaŋa jūmys orny aşylady. El Prezidentınıŋ tıkelei qoldauynyŋ arqasynda jäne Qatar memleketıne jasaǧan ıssapary qorytyndysymen öŋırde 800 mlrd. teŋgenıŋ, quattylyǧy 1 100 megavattyq bu-gaz qondyrǧysynyŋ jobasy qolǧa alynady. Qazırgı taŋda jer berılıp, tehnika-ekonomikalyq negızdemesı äzırlenude.
Biyl «Şalqiia» qorǧasyn-myryş kenışın qaita jaŋǧyrtu üşın qūny 215 mlrd. teŋge bolatyn jaŋa ken baiytu kombinatynyŋ, 147 mlrd. teŋgege jylyna 300 myŋ tonna kalsiilengen soda şyǧaratyn zauyt qūrylysy bastalady. Sondai-aq, 62 mlrd. teŋgege quattylyǧy 201 megavattyq 5 kün jäne 1 jel elektr stansiiasy ıske qosylady.
Memleket basşysynyŋ qatysuymen ötken Qazaqstan – Germaniia, Qazaqstan – Koreia forumdarynda qol qoiylǧan memorandumdarǧa säikes, 31 mlrd. teŋgege «Horn» nemıs tehnologiiasy boiynşa jylyna 220 mln. dana şyny bötelke şyǧaratyn, 19 mlrd. teŋgege koreialyq «With You E&C Kyzylorda» kompaniiasynyŋ tūrmystyq qatty qaldyqtar öŋdeitın zauyttarynyŋ qūrylysy bastalady.
Esterıŋızge sala ketsek, bügıngı jiynnyŋ kün tärtıbıne säikes, otyrysta Premer-Ministr Oljas Bektenov, Premer-Ministrdıŋ orynbasary Serık Jūmanǧarin, Ūlttyq bank töraǧasy Timur Süleimenov, «Samūryq-Qazyna» AQ basqarma töraǧasy Nūrlan Jaqypov, Astana qalasynyŋ äkımı Jeŋıs Qasymbek, Şymkent qalasynyŋ äkımı Ǧabit Syzdyqbekov, Qyzylorda oblysynyŋ äkımı Nūrlybek Nälıbaev baiandama jasaǧan bolatyn.
Aqparat Qyzylorda oblysy äkımdıgınıŋ baspasöz qyzmetı taratqan materialdar negızınde daiyndaldy
