Kollektor demalys künı qoŋyrau şalsa, ne ısteu kerek – Mädina Äbılqasymovanyŋ jauaby

Foto: sputnik.kz

Qarjy naryǧyn retteu jäne damytu agenttıgınıŋ töraǧasy Mädina Äbılqasymova Mäjılıstıŋ jalpy otyrysynan keiın ötken baspasöz mäslihatynda boryşkermen jūmys erejesın būzǧan kollektorǧa qandai jaza bar ekenın aitty.

«Kollektorlar adamǧa künıne 3 ret qoŋyrau şala alady. Bıraq audiosyn nemese beinesın jaza otyryp habarlasuy kerek. Eger sızge kollektordan demalys künı qoŋyrau tüsse, bızge habarlauyŋyz qajet. Call-ortalyqqa habarlasyp, aqparatyn beresız. Bız tekseru jürgızemız», - dedı Mädina Äbılqasymova.

Sondai-aq, ol ereje būzǧan kollektorlarǧa qandai şara qoldanylatynyn aitty.

«Qyzmetın toqtauǧa deiıngı şaralar qoldanylady. Äuelı aiyppūl jazylady. Odan keiın qyzmetı tolyq toqtatylady», - dedı agenttık basşysy.

Aita keteiık, bügın Mäjılıste nesie töleude qiyndyqqa tap bolǧan keibır azamattarǧa tölem merzımın keiınge qaldyruǧa mümkındık beretın zaŋ jobasy bırınşı oqylymda maqūldandy.

Mädina Äbılqasymova mūndai mümkındık halyqtyŋ äleumettık osal tobyna jatatyn adamdar men tötenşe jaǧdai saldarynan zardap şekkenderge berıletının aitady.

Jarnamalyq banner
Bölısu
Oqi otyryŋyz