Onda önerkäsıp jäne qūrylys ministrı Ersaiyn Naǧaspaev äleumettık sala nysandaryn, tūrǧyn üi qoryn jäne injenerlık infraqūrylymdy daiyndau boiynşa baiandama jasady.
Ministr bügınde barlyq öŋırde aldaǧy jylytu mausymyna daiyndyq jūmystary jürgızılıp jatqanyn mälımdedı. Qazırgı uaqytta bılım beru nysandarynyŋ daiyndyǧy 92%-dy qūrap otyr. Jospardan qalyp otyrǧan 3 öŋır bar: olar – Almaty, Qostanai jäne Qaraǧandy oblystary. Densaulyq saqtau nysandary boiynşa da osyndai jaǧdai qalyptasyp otyr. Daiyndyq 91%-dy qūraidy, iaǧni bügıngı taŋda 5,7 myŋnan astam nysannyŋ şamamen 5,2 myŋy mausymǧa daiyn. Alaida, tömen körsetkışter Qaraǧandy, Almaty jäne Qostanai oblystarynda baiqaluda.
Tūrǧyn üiler boiynşa jylytu mausymyna daiyndyq jūmystary 43,2 myŋ üide aiaqtaldy, būl jospardyŋ 83%-yn qūraidy. Şymkent qalasynda, Jambyl jäne Qostanai oblystarynda tūrǧyn üilerdıŋ daiyndyq deŋgeiı tömen.
«Öŋırlerde injenerlık infraqūrylym boiynşa da jöndeu jūmystary jürgızılude. Sumen jabdyqtau jelılerınıŋ 973 şaqyrymynyŋ 610 şaqyrymy jöndelgen. Su būru jelılerı 172 şaqyrymynyŋ şamamen 100 şaqyrymy jöndeldı. Tömen körsetkışter Almaty qalasynda, Ūlytau, Qostanai, Maŋǧystau oblystarynda oryn alyp otyr», — dedı Ersaiyn Naǧaspaev.
Sonymen qatar jylytu mausymynyŋ tūraqty ötuı maqsatynda avtonomdy qazandyqtardyŋ daiyndyǧyna monitoring jürgızılude. Äkımdıkterdıŋ mälımetı boiynşa, bügınde 11,2 myŋ avtonomdy qazandyq jylytu mausymyna daiyn, būl elımız boiynşa 85%-dy qūraidy.
Ministr avtonomdy qazandyqtar üşın kömır qory 51%-ǧa daiyndalǧanyn, mazut qory 91%-ǧa, dizel otyny 39%-ǧa daiyn ekenın jetkızdı.
Aldaǧy jylytu mausymyna uaqtyly daiyndyqty qamtamasyz etu maqsatynda äkımdıkter:
- 1 qyrküiekke deiın bılım beru nysandarynyŋ tolyq daiyndyǧyn jäne 15 qazanǧa deiın densaulyq saqtau, tūrǧyn üi-kommunaldyq şaruaşylyq jäne tūrǧyn üi qory nysandarynyŋ daiyndyǧyn qamtamasyz etu;
- sonymen qatar qyrküiektıŋ soŋyna deiın sumen jabdyqtau jäne kärız jüielerınde jöndeu jūmystaryn aiaqtau;
- jäne ortalyq, soltüstık, şyǧys öŋırler men elordada 15 qyrküiekke deiın, al qalǧan öŋırlerde 15 qazanǧa deiın jylytu mausymyna tolyq daiyndyqty qamtamasyz etu qajet.
«Atalǧan baǧyttaǧy jūmystar Ministrlıktıŋ qataŋ baqylauynda bolady», — dep tüiındedı sözın ministr.
Ükımettıŋ saitynan
