Bügın oblys äkımı Nūrlybek Nälıbaevtyŋ qatysuymen R.Älıarystanūly atyndaǧy jeke mekteptı memlekettık menşıkke alu boiynşa memorandumǧa qol qoiu räsımı öttı. Oǧan jauapty sala basşylary, selektorlyq rejimde qala, audan äkımderı, ziialy qauym ökılderı qatysty.
Aimaq basşysy atqarylǧan auqymdy jūmystarǧa, soŋǧy jyldary biudjet qarjysynyŋ basym bölıgı äleumettık salaǧa, onyŋ ışınde bılım salasyna baǧyttalǧanyna toqtaldy.
«Öŋırımızde Prezidentımızdıŋ, Ükımettıŋ erekşe qoldauymen tyŋ bastamalar jüzege asyryluda. Jas ūrpaqtyŋ sapaly bılım aluy – jūmysymyzdyŋ basty basymdyǧy. Bılım beru salasyna soŋǧy 3 jylda 812 mlrd. 245 mln. teŋge, biyl 302 mlrd. teŋge qaraldy.
Bölıngen qarjynyŋ tüpkılıktı maqsatqa jetuın qadaǧalaudyŋ naqty şaralary qabyldanǧan. 2023 jyldan berı «Feis-baqylau» mobildık qosymşasy qoldanysqa engızılıp, balabaqşalarǧa jalǧan tırkelgen 19 263 bala anyqtaldy, 28 mlrd. 100 mln. teŋge ünemdeldı. Emhananyŋ jalǧan anyqtamasyn tırkeu, negızsız demalys künderın anyqtau esebınen 6 mlrd. 700 mln. teŋge biudjetke qaitaryldy.
Oblysta demografiialyq ösım men halyqtyŋ köşıp-qonu belsendılıgı joǧary bolǧandyqtan, oquşy sanynyŋ jyl saiyn artqany baiqalady. Jaŋa oqu jylynda 1-11 synypta 189 288 oquşy tırkeldı, ötken oqu jylymen salystyrǧanda 4 364 balaǧa köbeigen.
Osy rette oryn qajettılıgı jeke investisiia esebınen de şeşımın tabuda. Jeke sektorǧa memleket tarapynan qoldau jasalǧan. Bız öz kezegımızde taza, şynaiy jūmys ısteitın käsıpkerlerdı ünemı qoldap kelemız.
Ötkende memleket jäne qoǧam qairatkerı Mūrat Baqtiiarūly biznestıŋ äleumettık jauapkerşılıgı aiasynda 2023 jyldyŋ qyrküiegınde aşylǧan «Orda skul-2» jeke mektebın memleket menşıgıne syiǧa berdı. Bügın de däl sondai igı ıstıŋ kuäsı bolamyz.
Bızdıŋ eŋ bırınşı mındetımız – balalarymyzdyŋ jan-jaqty, sapaly bılım aluyna qolaily jaǧdai jasap, jaily orta qalyptastyru. Öskeleŋ ūrpaq tärbiesımen ainalysatyn barşa bastamalaryŋyzǧa sättılık tıleimın jäne ortaq jūmysty bırlesıp atqaruǧa şaqyramyn!» – dedı N.Nälıbaev.
Räsımde oblystyq bılım basqarmasynyŋ basşysy Asqarbek Esjanov pen R.Älıarystanūly atyndaǧy jeke mekteptıŋ qūryltaişysy Şärkül İmanberdieva mektep ǧimaratyn oblystyq kommunaldyq menşıkke beru turaly memorandumǧa qol qoidy.
Sonymen bırge Şärkül İmanberdieva, memleket jäne qoǧam qairatkerı Baqbergen Dosmanbetov, «Ūlaǧat» mektebınıŋ qūryltaişysy, Qazaqstannyŋ eŋbek sıŋırgen qairatkerı Qalqazbek Äjıbekov söz söilep, jas ūrpaqqa sapaly bılım berudıŋ maŋyzdylyǧyna toqtaldy.
Aita ketu kerek, ötken jyly öŋırde 13 bılım beru ūiymy jaŋadan aşyldy. «Keleşek mektepterı» ūlttyq jobasy aiasynda 10 mektep salynyp, paidalanuǧa berıldı.
Qyzylorda oblysy äkımınıŋ baspasöz qyzmetı
