Öŋır basşysy Erbol Qaraşökeev Taraz qalasy «Ūly dala» (15) şaǧynaudanyndaǧy №69 jaŋa mekteptıŋ aşylu saltanatyna qatysty.

Erbol Qaraşökeev oquşylar, pedagogter men ata-analar aldynda qūttyqtau söz söiledı.

- «Jaily mektep» Ūlttyq jobasy Memleket basşysy Qasym-Jomart Kemelūly Toqaevtyŋ tıkelei tapsyrmasy boiynşa elımızdıŋ barlyq öŋırlerınde jüzege asyryluda. Ötken jyly oblysta 3 jaily mektep salyndy. Biyl Taraz qalasy Şöldala alqabynda 1 jäne Qordai audanynda 2 jaily mektep aşylady dep kütılude. Bılım beru infraqūrylymynyŋ sapasyn arttyru negızgı baǧyttardyŋ bırı bolyp qala beredı, - dedı oblys äkımı.

Jaŋa ülgıdegı mektepte 97 kabinet, 3 şeberhana, 6 zerthana, 4 kompiuterlık synyp, horeografiialyq zaldar, kovorking-ortalyqtar, ülken ashana jäne 4 sportzaly qarastyrylǧan. Synyptarda interaktivtı taqtalar ornatylǧan. Bılım ūiasynda 1310 oquşy oqidy.

2000 balaǧa arnalǧan mektep oquşylardyŋ IT-qūzyretterın, ǧylymi jäne şyǧarmaşylyq äleuetın qoldau üşın zamanaui robototehnika kabinetterımen jäne STEM-zerthanalarmen jabdyqtalǧan, sonymen bırge beinebaqylau jüielerımen qamtamasyz etılgen.

Oqu ordasynda inkliuzivtı bılım beruge jıtı köŋıl bölınıp otyr. Erekşe qajettılıkterı bar balalar üşın pandustar, liftter, sanitarlyq toraptar jäne inkliuzivtı bılım beru kabinetı qarastyrylǧan.

- Menıŋ 3 balam jaily mekteptıŋ tabaldyryǧyn attap otyr. Olardyŋ zamanaui jabdyqtalǧan, keŋ ärı jaily ortada oqitynyna öte quanyştymyn. Jaŋa bılım ūiasynda ūl-qyzdarym jan-jaqty damyp, jemıstı jetıstıkterge qol jetkızedı dep senemın,-  deidı 7 balanyŋ anasy Maira Asylova.

Biyl oblysta 26 bılım beru nysanynyŋ qūrylysy josparlanǧan, onyŋ 21-ı (11 mektep jäne 10 qosymşa ǧimarat) jyl soŋyna deiın paidalanuǧa berıledı dep kütılude.

2026 jyly taǧy 6 bılım beru nysanynyŋ (4 mektep jäne 2 qosymşa ǧimarat) qūrylysy bastau alady. 

Äkımdıktıŋ baspasöz qyzmetı