Būl mektepter ozyq tehnikamen jabdyqtalǧan oqu kabinetterınen bastap, erekşe bılım beru qajettılıkterı bar balalar üşın qoljetımdı ortaǧa deiın joǧary zamanaui standarttarǧa säikes keledı. Sondai-aq, bırneşe ashana, keŋ sport zaldary, akt zaldary, kıtaphanalar, lingafon jäne kompiuterlık kabinetter, zerthanalar, şeberhanalar men kovorking-ortalyqtar qarastyrylǧan. Bılım aluşylarǧa robototehnika kabinetterı, STEM-zerthanalar jäne oqytuǧa arnalǧan basqa da innovasiialyq keŋıstıkter qoljetımdı. Balalardyŋ qauıpsızdıgı beinebaqylau kameralary, turniketter jäne dabyl tüimelerı arqyly qamtamasyz etıledı. Aita keteiık, būl Astanada salynǧan 10-şy jaily mektep, al Jambyl oblysynda — üşınşı mektep. Jyl basynan berı Qazaqstanda 91 myŋ oryndyq 35 jaily mektep paidalanuǧa berıldı.