Qazaqstan Respublikasynyŋ Qarjy ministrlıgı käsıbi buhgalterlık ūiymdarmen bırlese otyryp, 2026 jyldyŋ 5 qaŋtary men 30 mausymy aralyǧynda ötken respublikalyq «Halyq buhgalterı» aksiiasyn qorytyndylady.
Aksiianyŋ negızgı maqsaty – käsıpkerlerge praktikalyq qoldau körsetu, salyqtyq jäne buhgalterlık eseptı jürgızudıŋ sapasyn jaqsartu jäne salyq töleuşılerge 2026 jyly küşıne engen salyq zaŋnamasyndaǧy özgerısterdı tüsınuge kömektesu. Aksiia aiasynda oblys ortalyqtaryndaǧy, sondai-aq Astana, Almaty, Şymkent qalalaryndaǧy Memlekettık kırıster departamentınıŋ bölımşelerınde azamattarǧa tegın jeke keŋes beru ūiymdastyryldy. Keŋes beru käsıbi buhgalterler men memlekettık kırıster organdarynyŋ qyzmetkerlerımen jürgızıldı. Aksiiaǧa jalpy 120-dan astam akkreditasiiadan ötken käsıbi buhgalterler qatysty. Alty aidyŋ ışınde būl aksiia sūranysqa ie, käsıbi buhgalterler qauymdastyǧy jäne biznes sektory arasyndaǧy memlekettıŋ aşyq dialog alaŋyna ainaldy.
Aksiia nätijesı boiynşa:
60 myŋnan astam salyq töleuşıler tegın keŋes aldy;
3247 aşyq esık künı ıs-şarasy ötkızıldı;
Jergılıktı deŋgeide 2928 seminar ūiymdastyryldy;
512 sūhbat pen saraptamalyq tüsınıktemeler daiyndaldy;
BAQ, teledidar, radio jäne äleumettık jelılerde 10 myŋnan astam maqala jariialandy;
Aqparattyq rolikter radiostansiialarda 45 000-nan astam ret şyǧaryldy;
Zakon.kz aqparattyq qoldauymen aksiia materialdary, sonyŋ ışınde tört vebinar – 2,5 mln qaralym jinady.
Täjıribe körsetkendei, käsıpkerler arasynda tıkelei özara ärekettesu formatyna sūranys aitarlyqtai joǧary. Qatysuşylar jaŋa Salyq kodeksın qoldanu, oŋtaily salyq rejimın taŋdau, ötpelı kezeŋnıŋ erekşelıkterı, salyq jeŋıldıkterı men şegerımderı, QQS boiynşa tırkeu jäne esepten şyǧaru, arnauly salyq rejimderın qoldanu, elektrondy şot-fakturalardy räsımdeu, aqparattyq jüielerdı paidalanu, özın-özı jūmyspen qamtyǧan jeke tūlǧalardy esepke alu jäne olardyŋ qyzmetıne qatysty mäseleler boiynşa saraptamalyq tüsınıktemeler aldy. Aksiianyŋ erekşe qūndy aspektısı käsıpkerlerdıŋ täjıribelı käsıbi buhgalterlerden jäne memlekettık kırıster organdarynyŋ qyzmetkerlerınen tıkelei jeke keŋes aluy boldy, būl olarǧa naqty jaǧdailardyŋ şeşımın tez tabuǧa jäne salyq mındettemelerın oryndau kezınde yqtimal qatelerdıŋ aldyn aluǧa mümkındık berdı. «Halyq buhgalterı» salyq sauattylyǧyn arttyruǧa, salyqtyq mındettemelerdı erıktı oryndau mädenietıne tärbieleuge jäne qolaily biznes-ortany qūruǧa baǧyttalǧan memleket pen käsıbi qoǧamdastyq arasyndaǧy yntymaqtastyqtyŋ tiımdı ülgısıne ainaldy. Tegın käsıbi kömek myŋdaǧan käsıpkerlerge zaŋnamalyq özgerısterge senımdırek beiımdeluge jäne eŋ özektı sūraqtaryna der kezınde jauap aluǧa mümkındık berdı.
Osy täjıribe ärı de öz jalǧasyn tauyp, jergılıktı memlekettık kırıster bazasynda ai saiyn, buhgalterlık ūiymdarmen bırlese otyryp salyq zaŋnamasyn tüsındıru boiynşa «Aşyq esık künderı» ötkızıletın bolady.
