Memleket basşysy tanymal demalys oryndarynda servis sapasynyŋ tömendıgıne, infraqūrylymdardyŋ daiyndyǧynyŋ naşarlyǧyna jäne sanitarlyq problemalarǧa jol bermeudı erekşe atap öttı.
Premer-ministr Oljas Bektenovtıŋ tapsyrmasyn oryndau üşın Premer-ministrdıŋ orynbasary Ermek Köşerbaev turistık basym baǧyttardyŋ jai-küiın baǧalau üşın öŋırlerge jūmys saparlaryn bastady. Bırınşı nysan Qonaev qalasyndaǧy Qapşaǧai su qoimasynyŋ jaǧalauy boldy.
Qapşaǧai su qoimasy — ışkı turizmnıŋ eŋ köp adam jinalatyn baǧyttarynyŋ bırı. 2025 jyldyŋ bırınşı jartyjyldyǧynda onyŋ jaǧalauyna 860 myŋnan astam adam keldı. Öŋırde 140 turistık nysan, onyŋ ışınde 8 kommunaldyq jaǧajai bar.
Sapar barysynda Ermek Köşerbaev qonaqtardy ornalastyru obektılerınıŋ, jaǧajai jäne jol infraqūrylymynyŋ jai-küiımen, aumaqty sanitarlyq kütıp ūstaumen, qoǧamdyq tärtıptı qamtamasyz etu jäne şūǧyl qyzmetterdıŋ daiyndyǧymen tanysty. Vise-premer aimaq äkımdıgıne biylǧy küzge deiın soltüstık jaǧajaiǧa baratyn joldyŋ jūmystaryn aiaqtaudy tapsyrdy.
Biznes ökılderı men öŋır tūrǧyndary turistık aimaqtyŋ problemalyq mäselelerın aitty. İnfraqūrylymdyq şekteulerge erekşe nazar audaryldy. Mäselen, käsıpkerler qosalqy elektr stansalarynyŋ jetıspeuşılıgın, ortalyqtandyrylǧan kärız jüiesınıŋ joqtyǧyn jäne injenerlık jelılerdıŋ şamadan tys jüktememen jūmys ıstep tūrǧanyn atap öttı. Qanşama investisiia salynyp jatqanyna qaramastan, jergılıktı atqaruşy organdar tarapynan jüielı şeşım bolmasa turistık aimaqtyŋ tūraqty damuy mümkın emes. Mäselen, jaǧajailarda 280 därethana bar, olardyŋ sanitarlyq-gigienalyq qyzmetı ünemı baqylaudy jäne naqty üilestırudı qajet etedı.
Basymdyqtardyŋ qatarynda qauıpsızdıktı qamtamasyz etu jäne tötenşe jaǧdailarǧa daiyndyq qarastyrylyp otyr. Premer-ministrdıŋ orynbasary Tötenşe jaǧdailar ministrlıgıne jaǧajailardaǧy barlyq qūtqaru kabinalaryn talaptarǧa sai etudı jäne profilaktikalyq jūmystardy küşeitudı tapsyrdy. Sondai-aq jūmys sapary aiasynda injenerlık jüieler men sanitarlyq-epidemiologiialyq qyzmetterdıŋ demaluşylardyŋ jappai aǧynyna daiyndyǧy, äsırese 15 myŋ adamǧa deiın qatysatyn ıs-şaralardy ötkızu mäselelerı talqylandy.
Sapar barysynda turistık aumaqtardy aimaqtarǧa bölu boiynşa pilottyq joba ūsynyldy. Auyl şaruaşylyǧy ministrlıgı ökılderınıŋ aituynşa, mūndai jüie jaǧalaudy funksionaldy aimaqtarǧa, iaǧni rekreasiialyq, tabiǧatty qorǧau, infraqūrylymdyq jäne özge de uchaskelerge böludı qarastyrady. Būl aumaqtyŋ damuyn tiımdırek basqaruǧa, ekologiialyq tepe-teŋdıktı saqtauǧa jäne demaluşylar men investorlar üşın jailylyqty qamtamasyz etuge mümkındık beredı.
Sonymen qatar baǧa taqyryby da köterıldı. Barlyq jaǧdai jasalyp jatqanyna qaramastan, bırqatar nysandardaǧy qyzmetterdıŋ qūny joǧary bolyp otyr. Sol sebeptı baǧanyŋ ösu sebepterıne, äsırese kommunaldyq jaǧajailardyŋ baǧasyna taldau jürgızu tapsyryldy, ol jerlerdegı qyzmetter halyq üşın barynşa qoljetımdı boluy tiıs.
Ekologiialyq mäseleler de söz boldy. Mäselen, Balqaş kölındegı sudyŋ deŋgeiı tūraqty bolsa, Alakölde ol jaǧalaudan alystap nemese jaqyndap jiı özgeredı. Būl jaǧalau syzyǧynyŋ auytquyna jäne infraqūrylymdardyŋ oryn almastyruǧa mäjbür etedı. Ermek Köşerbaev jaŋa obektılerdı salu kezınde tabiǧi faktorlardy esepke alyp, ǧylymi jäne injenerlık süiemeldeu qajettıgın atap öttı.
«Kommunaldyq jaǧajailar tazalyq pen qyzmet körsetu sapasy boiynşa standarttardy ūstanuy kerek. Jaima bazar, «köleŋkede» jūmys ısteuge jol beruge bolmaidy. Tübırtekter, terminaldar, salyqtyq tırkeu boluy kerek. Adamdardy bala kezınen bastap tärtıp pen zaŋǧa üiretu qajet. Bilık tarapynan aǧymdaǧy mäselelerdı joiu ǧana emes, jüielı türde tärtıp ornatu jäne azamattardyŋ kütkenıne sai jaǧdai jasau maŋyzdy. Turizm – būl eldıŋ bet-beinesı. Alaköl, Qapşaǧai, Balqaş siiaqty tabiǧi aimaqtardy salu kezınde jaǧalau syzyǧynyŋ özgergıştıgın eskeru, küzet aimaqtaryn salu, halyqpen tüsındıru jūmystaryn jürgızu qajet. Mūnyŋ barlyǧyna jergılıktı atqaruşy organdar jauapty», — dep atap öttı vise-premer.
Jūmys sapary jalǧasuda. Barlyq turistık nysandardy aralau aiaqtalǧannan keiın öŋır äkımderınıŋ jäne uäkılettı memlekettık organ basşylarynyŋ qatysuymen keŋeitılgen jiyn ötedı. Onda anyqtalǧan kemşılıkterdı joiu barysyna baǧa berıledı jäne odan arǧy şaralar aiqyndalady.
Ükımettıŋ baspasöz qyzmetı
