Jiynǧa QR Turizm jäne sport ministrınıŋ orynbasary Serık Jarasbaev, sondai-aq, elımızdıŋ ūlttyq sport federasiialarynyŋ prezidentterı men ökılderı qatysty.

Otyrysta ūlttyq sport qauymdastyǧynyŋ prezidentı qyzmetın atqarǧan İslambek Saljanov soŋǧy ekı jyldaǧy atqarylǧan jūmysy jaiynda keŋınen esep berıp, qorytyndylady. Qauymdastyq qūryltaişylary dauys beru arqyly jaŋa jarǧy qabyldap, nätijesınde Erkebūlan Saidollaūly İliasov bırauyzdan Qazaqstan Respublikasy Ūlttyq sport qauymdastyǧynyŋ prezidentı bolyp sailandy.

Jaŋadan sailanǧan Ūlttyq sport qauymdastyǧynyŋ prezidentı Erkebūlan Saidollaūly senım bıldırgen barşa QR Turizm jäne sport ministrlıgıne, qauymdastyq qataryna kıretın ūlttyq sport ökılderıne alǧys aityp, 2025 jylǧa qoiylǧan josparymen bölıstı.

 «Būl men üşın ülken märtebe jäne jauapkerşılık. Ūlttyq sport - būl halqymyzdyŋ jany, ūrpaqtardy bailanystyratyn jıp. Bız bai mädenietımızdı körsete otyryp, qazaq etnikalyq sportynyŋ bükıl älemge tanymal boluy üşın bar küşımızdı salamyz», - dep atap öttı Erkebūlan Iliiasov.

Otyrys barysynda Serık Jarasbaev İslambek Töleubaiūlyna ūlttyq sporttyŋ damuyna qosqan ülesı üşın alǧys bıldırıp, jaŋa prezident Erkebūlan Saidollaūlyna sättılık tıledı. Sonymen qatar, ol barlyq federasiialardyŋ yntymaqtastyǧyn nyǧaityp, ūlttyq sport türlerın älemdık deŋgeide nasihattau üşın bırlesıp jūmys ısteuge şaqyrdy.

Jiyn barysynda qauymdastyq qūryltaişylary men müşelerı dauys beru arqyly Baqdäulet Säbitovtı QR ūlttyq sport qauymdastyǧynyŋ vise-prezident – atqaruşy direktory (qoǧamdyq negızde) retınde sailady.

Erkebūlan Iliiasov - «Alageum Electric» otandyq elektr maşina jasau holdingınıŋ Direktorlar keŋesınıŋ töraǧasy. 2023 jyldan bastap «Jamby atu» federasiiasynyŋ prezidentı, al 2024 jyldan bastap arqan tartys boiynşa ūlttyq sport federasiiasyn basqardy. Erkebūlan Iliiasov «jamby atu» jäne «arqan tartys» dästürlerın saqtauǧa jäne Qazaqstannyŋ etnikalyq sport käsıbi damuyna eleulı üles qosty.

Ūlttyq sport qauymdastyǧy