2025 jyldyŋ 28 nauryzynda tünde Jambyl oblysynyŋ bırqatar audany men Taraz qalasynda jer sılkınısı tırkeldı.
Jer dümpuınıŋ joǧary qarqyny – 5 ball – Merkı audanyndaǧy Merkı auylynda tırkeldı. T.Rysqūlov audanynyŋ Qūlan auylynda jer sılkınısınıŋ küşı 4 balldy, Taraz, Şu qalalarynda, Qordai, Moiynqūm audandarynda – 2 balldy qūrady.
Oblys äkımınıŋ tapsyrmasyna säikes jedel ştab qūryldy. Oblys äkımınıŋ orynbasary Qanatbek Mädıbek töraǧalyq etken onyŋ qūramyna azamattyq qorǧau qyzmetınıŋ, jergılıktı atqaruşy organdardyŋ, tiıstı vedomstvolardyŋ ökılderı kırdı.
Zardap şekkender turaly aqparat joq. Audandardaǧy tırşılıktı qamtamasyz etu nysandary ştattyq rejimde jūmys ısteude.
Qazırgı taŋda Merkı audandyq ortalyq auruhanasynyŋ, Merkı auyldyq okrugındegı «Baldäuren» balabaqşasynyŋ ǧimarattarynda jäne Taldybūlaq auylyndaǧy tūrǧyn üidıŋ ashanasynda qabyrǧa jaryqtary anyqtaldy.
T.Rysqūlov audany Abai auylyndaǧy tūrǧyn üidıŋ, Jaŋatūrmys auylyndaǧy – 6 baspananyŋ, auyldyq mekteptıŋ, Qaraqystaq auyldyq okrugınıŋ Kamenka auylyndaǧy mädeniet üiınıŋ qabyrǧalarynda jaryqtar paida bolǧan.
Arnaiy komissiia oblys äkımınıŋ tapsyrmasy boiynşa keltırılgen şyǧyndy anyqtau jūmystaryn jürgızedı. Onyŋ qüramyna QR Tötenşe jaǧdailar ministrlıgı Seismologiialyq baiqau jäne zertteuler ūlttyq ǧylymi ortalyǧynyŋ ökılderı kıredı.
Audandardaǧy nysandardy mamandar aralap, ahualdy közben kördı. Merkı audanynda ainalma joldarǧa 55 adam, 33 bırlık tehnika, T.Rysqūlov audanynda 65 adam, 40 bırlık tehnika jūmyldyryldy.
«KAJservis» JŞS oblystyq filialynyŋ qyzmetkerlerı (25 adam, 19 tehnika) Merkı jäne T.Rysqūlov audandaryndaǧy respublikalyq maŋyzy bar avtomobil joldarynyŋ (5 kölık aiyryǧy, 2 temırjol ötkelı jäne 3 köpır) jai-küiın tekserude. 45 eldı meken zertteldı.
Qyrǧyz Respublikasynyŋ Tötenşe jaǧdailar ministrlıgımen özara ıs-qimyl kezekşı bölım arqyly ūiymdastyryldy.
Şoŋ-Qaqpa jäne Orto-Toqai su qoimalary qalypty jūmys ıstep tūr.
Tūrǧyndarmen tüsındıru jūmystary jürgızıldı, halyqtyŋ densaulyǧy men ömırıne qauıp joq.
Jedel ştab jaǧdaidy baqylaudy jalǧastyruda.
Jedel den qoiu jasaqtary daiyndyqqa keltırıldı, täulık boiy kezekşılık ūiymdastyryldy.
Polisiia men TJD qoǧamdyq qauıpsızdıktı qamtamasyz etu boiynşa şaralar qabyldauda.
8(7262)513575 nömırı boiynşa «jedel jelı» ıske qosylǧan.
