Memleket basşysynyŋ öŋırlerdıŋ äleumettık-ekonomikalyq damuyn qamtamasyz etu, tūrǧyndardyŋ ömır süru sapasyn arttyru jäne infraqūrylymdy jaŋǧyrtu jönındegı tapsyrmalaryn ıske asyru aiasynda Jambyl oblysynyŋ äkımı Erbol Qaraşökeev Jambyl audanyna jūmys saparymen bardy.
Öŋır basşysy bılım, auyl şaruaşylyǧy, su şaruaşylyǧy, sport jäne mädeniet salalaryndaǧy maŋyzdy jobalardyŋ jüzege asu barysyn zerdelep, jauapty tūlǧalarǧa naqty mındetter jüktedı.
Jūmys sapary audandyq ortalyq kıtaphanada jaŋadan aşylǧan №531 sailau uchaskesınıŋ jūmysymen tanysudan bastaldy. Atalǧan uchaskede 1229 sailauşy tırkelgen. Oblys äkımı sailau uchaskesınıŋ materialdyq-tehnikalyq bazasyn qarap, azamattardyŋ dauys beruıne qolaily jaǧdai jasau, qajettı qūral-jabdyqtarmen tolyq qamtamasyz etu jäne ūiymdastyru jūmystaryn joǧary deŋgeide jürgızu qajettıgın atap öttı.
Odan keiın oblys äkımı Toǧyztarau auylyna baryp, T.Toqtarov atyndaǧy orta mektepke salynyp jatqan japsarlas ǧimarattyŋ qūrylys barysyn tekserdı. Öŋır basşysy qūrylys sapasyna erekşe nazar audaryp, jūmysty belgılengen merzımnen keşıktırmei aiaqtaudy tapsyrdy.
Sapar barysynda oblys äkımı osy auylda «Jasyl beldeu» baǧdarlamasy aiasynda köktemde otyrǧyzylǧan aǧaş köşetterınıŋ jai-küiımen tanysty. Jalpy aumaǧy 1,2 gektardy qūraityn jasyl aimaqtaǧy köşetterdıŋ kütımı men suaru jüiesınıŋ tiımdılıgıne män berıp, audan äkımdıgıne aǧaştardyŋ jersınu körsetkışın tūraqty baqylauda ūstaudy, kütıp-baptau jūmystaryn küşeitudı tapsyrdy.
Örnek auylynda oblys äkımı «Aitaq» jäne «Tömengı Aitaq» kanaldaryn qaita jaŋǧyrtu jobasynyŋ jüzege asu barysyn zerdeledı. Jobanyŋ jalpy qūny – 2,053 mlrd teŋge. Qarjylandyru Europalyq qaita qūru jäne damu bankınıŋ nesie qarajaty esebınen jüzege asyryluda. Qūrylys jūmystary 2026 jyldyŋ aqpanynda bastalyp, 2028 jyldyŋ şıldesınde aiaqtalady dep josparlanǧan. Joba aiasynda magistraldyq jäne ışkı şaruaşylyq kanaldarynyŋ bır bölıgı betonmen qaptalyp, su ötkızu mümkındıgı aitarlyqtai artady. Nätijesınde 4 630 gektardan astam suarmaly jerdıŋ sumen qamtyluy jaqsarady.
Oblys äkımı su resurstaryn tiımdı paidalanu bügınde asa maŋyzdy mäsele ekenın aityp, qūrylys jūmystaryn belgılengen kestege sai jürgızudı, sapany qataŋ baqylaudy jäne sudy ünemdeu tehnologiialaryn keŋınen engızudı tapsyrdy.
Baspasöz qyzmetı
