29 säuırde elordalyq Qazaqstan halqy assambleiasy müşelerınıŋ qatysuymen qalada «Özge tıldıŋ bärın bıl, öz tılıŋdı qūrmette» atty ziiatkerlık viktorina ūiymdastyrylady. Osy künı M.Ötemısūly atyndaǧy Oquşylar saraiynda mektep oquşylary arasynda «Şattyq» baiqauynyŋ gala-konsertı ötedı. Mūnda Qazaqstan halqynyŋ bırlıgı künıne orai «Bırlıgımız jarasqan» retro-änderınıŋ konsertı ötedı.
S.Seifullin atyndaǧy Qazaq agrotehnikalyq universitetınde studentter arasynda türlı etnostardyŋ qatysuymen «Bi önerı – ūlttyq mūra» atty ūlttyq bi baiqauy ötedı.
30 säuırde Esil University-de studentterdıŋ qatysuymen «Bız – bır ūltpyz» atty döŋgelek üstel, sondai-aq «Bırlıgımız jarasqan» festivalı ötedı. Sol künı merekege orai Tehnikalyq şyǧarmaşylyq ortalyǧynyŋ tärbielenuşılerı arasynda «Tatulyq mekenı» atty jalpyqalalyq suret baiqauy ūiymdastyrylady.
№3 balalar muzykalyq mektebınde oquşylardyŋ «Menıŋ elım – Qazaqstan» merekelık konsertı, al №1 öner mektebınde asfalttaǧy suretter baiqauy ötedı.
Mäşhür Jüsıp atyndaǧy №57 orta mektep qabyrǧasynda dziudodan 2013-2014 jyldary tuǧan jasöspırımder arasynda qalalyq komandalyq bırınşılık ötedı.
№2 Balalar muzykalyq mektebınıŋ tärbielenuşılerı merekege orai «Bır aspan astynda» konsertın daiyndap otyr.
№2 öner mektebınde 30 säuırden 5 mamyrǧa deiın «Bır şaŋyraq astynda» oquşylar jūmysynyŋ körmesı aşylady. Sondai-aq, tärbielenuşıler «Bırlıgımız jarasqan» konsertıne şaqyrady.
Osy künı «Şarapat» äleumettık qyzmet körsetu ortalyǧynda «Bar bereke – bırlıkte» merekelık konsertın ūiymdastyrady.
Qala tūrǧyndary men qonaqtary üşın äzırlengen ıs-şaraǧa toly baǧdarlama 1 mamyr künı de jalǧasyn tabady.
Osylaişa, Qazaqstan halqynyŋ bırlıgı künıne orai elordada arnaiy aksiia ötıp, onda jūrtşylyqqa bauyrsaq taratylady.
M.Ötemısūly atyndaǧy Oquşylar saraiynda merekelık konsert, al Prezidenttık ortalyqta balalar körkemsuret mektebı tärbielenuşılerınıŋ suretterıne arnalǧan körme äzırlenıp otyr.
EKSPO halyqaralyq körme ortalyǧynyŋ aumaǧynda 1 mamyr merekesı men QHA-nyŋ 30 jyldyǧyna orai «Bırlık jarysy» jappai jügıru ıs-şarasy ötedı. Mūnda da elordalyq Assambleianyŋ şyǧarmaşylyq ūjymdarynyŋ konsertı, sondai-aq halyqtyq sport türlerı boiynşa sport jarystary ötedı.
«Jastar» teatrynyŋ alaŋynda qonaqtarǧa arnap konserttık baǧdarlama äzırlenıp otyr.
Būl künı «Jastar» saraiynda merekelık konsert ūiymdastyrylady. Qonaqtarǧa arnap türlı etnostardyŋ halyqtyq-qoldanbaly önerı men ūlttyq kiımderınıŋ etnikalyq körmesı ūiymdastyrylady, al konserttık baǧdarlamada arnaiy şaqyrylǧan jūldyzdar öner körsetedı.
