Biylǧy bäsekege 200-den astam äuesqoi sportşy qatysty. Qatysuşylar saiys barysynda 1,9 şaqyrym jüzu, 90 şaqyrym velosipedpen jürıp ötu, 21,1 şaqyrym jügıru boiynşa synǧa tüstı.

Astanadaǧy jarysqa Qazaqstannyŋ özge öŋırlerınen bölek, Resei, Özbekstan, Qyrǧyzstan elderınen de kelgender bar.

«Özderıŋız bıletındei, 2023 jyly halyqaralyq Ironman 70.3 jarysynyŋ kelısımşarty aiaqtaldy. Endı biyl Astana Triatlon federasiiasy alǧaş ret osyndai turnirdı ūiymdastyruǧa bel budyq. Aua raiy öte jaqsy. 180 qatysuşy jeke jäne 20-dan astam sportşy komandalyq ekiden türınde jüldege talasty. Basty syilyǧymyz – tamyz aiynda Özbekstanda ötetın Samarkand Challenge saiysyna joldama beremız. Federasiia būl saiyspen şektelmeidı. Aldaǧy aptada dästürlı Astana run challenge jügırısı josparlanǧan», – dedı Astana qalasy Triatlon federasiiasynyŋ prezidentı Tölepbergen Süiıntaev.

Jarys soŋynda är jas tobyndaǧy triatlon jeŋımpazdary (18-29 jas, 30-39 jas, 40-49 jas, 50-59 jas jäne 60 jastan joǧary) diplomdarmen, medaldarmen marapattaldy.

Is-şaranyŋ ötuıne bailanysty äsırese velojarys baǧyty ötetın köşelerde qala köşelerınıŋ keibır uchaskelerınde kölık qozǧalysy uaqytşa şekteledı.

Velojarys baǧyty:

• Bastaluy – Ortalyq saiabaq (Ortalyq jaǧajai maŋy);

• Tūran daŋǧylyna şyǧyp, köpır astymen solǧa būrylu;

• Tūran daŋǧylymen Qorǧaljyn tasjolyna deiın (oŋ jaq jolaqpen) jüru;

• Qorǧaljyn tasjolynan oŋǧa būrylyp, ainalma jolǧa deiın jüru (oŋ jaq jolaq);

• Ainalma jolda solǧa būrylyp, qarsy baǧyttaǧy jolaqpen jüru;

• Keiın 3 şeŋber boiynşa Qorǧaljyn tasjolynan Qosşy (Qarqaraly) baǧytyna deiın sol jaq jolmen jüru;

• Şeŋberlerdı aiaqtaǧan soŋ, qaitadan Qorǧaljyn tasjolyna tüsıp, İlinka jaqtan velojolǧa kıru.