Qalalyq Qoǧamdyq densaulyq saqtau basqarmasy 2025 jyldyŋ qoryyndysyn jartialady, dep habarlaidy elorda äkımdıgınıŋ resmi saity.
Astananyŋ tūrǧyndary jyl saiyn şamamen 100 myŋ adamǧa artyp keledı. Osyǧan bailanysty medisinalyq infraqūrylymdy damytuǧa erekşe köŋıl bölıngen. Atap aitqanda, medisinalyq ūiymdar tapşylyǧyn azaitu maqsatynda tört jaŋa emhana ıske qosylyp, «Nūrly jol» vokzaly audanynda jeke medisinalyq ortalyq aşyldy.
Sonymen qatar ekı auruhanada auqymdy jöndeu jürgızıldı. Olardyŋ bırı – köp jyldan berı qala tūrǧyndaryna qyzmet körsetıp kele jatqan №3 qalalyq köpbeiındı auruhananyŋ eskı ǧimaraty.
«Ǧimaratty jaŋǧyrtu barysynda injenerlık jelıler, palatalar, operasiialyq bloktar men diagnostikalyq kabinetter tolyq jaŋartylyp, zamanaui medisinalyq jabdyqtarmen qamtyldy. Būl pasientter men medisina qyzmetkerlerı üşın qolaily jaǧdai jasauǧa baǧyttalǧan», – deidı basqarma.
Qazırgı uaqytta auruhananyŋ terapevtık bölımı, as blogy, äkımşılık ǧimaraty jäne özge de bölımşelerınde jöndeu jūmystary jalǧasyp jatyr. Atalǧan jūmystardy 2026 jyly aiaqtau josparlanǧan.
Sondai-aq №2 qalalyq köpbeiındı auruhana janynan qabyldau-diagnostikalyq keşen men perinataldyq ortalyqtyŋ qūrylysy bastaldy. Būdan bölek, medisina qyzmetkerlerıne arnalǧan 300 oryndyq jataqhana salynuda. Aldaǧy jyly jaŋa köpbeiındı auruhana, Esıl jäne Nūra audandarynda ekı emhana, sondai-aq Esıl audanynda balalarǧa arnalǧan travmatologiialyq korpus paidalanuǧa berılmek.
Medisinalyq mekemelerdı zamanaui qūral-jabdyqtarmen qamtamasyz etuge de basymdyq berılgen. 2025 jyly 276 medisinalyq jabdyq satyp alynǧan. Jedel järdem qyzmetınıŋ jūmysyn jedeldetu maqsatynda avtokölıkter alynyp, avtopark 100 paiyz jaŋartyldy.
Kadr mäselesın şeşu baǧytynda da naqty şaralar qabyldandy. 2024-2028 jyldarǧa arnalǧan jergılıktı biudjet esebınen rezidenturaǧa 72 grant bölınıp, 45 därıger jūmysqa ornalastyryldy. Sonymen qatar şeteldık mamandardy tartu arqyly täjıribe almasuǧa 64 medisina qyzmetkerı qatysty.
«Jūmysşy mamandyqtar jyly» jäne «Medisina qyzmetkerlerınıŋ bılıktılıgın arttyru jyly» aiasynda şamamen 3 800 medisina qyzmetkerı oqytylyp, olardyŋ 59-y şetelde sirek mamandyqtar boiynşa bılıktılıgın arttyrdy.
Balalar densaulyǧyn nyǧaitu maqsatynda bes memlekettık mektepte stomatologiialyq kabinetter aşylyp, №1 qalalyq köpbeiındı auruhana bazasynda balalar stomatologiiasy jūmysyn bastady. Sondai-aq autizmı bar balalarǧa arnalǧan kündızgı stasionar ıske qosyldy.
Akuşerlık-ginekologiialyq kömektıŋ qoljetımdılıgın arttyru üşın Situasiialyq ortalyq qūrylyp, qala deŋgeiınde ūryqty qorǧau ortalyǧy jūmys ıstep tūr. Jüktı äielderge joǧary mamandandyrylǧan medisinalyq kömek körsetılıp, tua bıtken jäne tūqym qualaityn aurulardyŋ aldyn alu maqsatynda eksperttık deŋgeidegı prenataldyq diagnostika jürgızıledı.
Elordada jasandy intellekt tehnologiialary da medisina salasyna engızılude. Qazırgı taŋda onkologiialyq aurulardy erte anyqtauǧa mümkındık beretın jasandy intellektke negızdelgen PACS jüiesı ıske qosylyp, diagnoz qoiu merzımı 30 künnen 3 künge deiın qysqardy. Ortalyq serverde 126 myŋnan astam rentgenologiialyq zertteu jinaqtalyp, olardyŋ 9 myŋnan astamy öŋdelgen.
Sonymen qatar insulttı 10 minut ışınde anyqtauǧa mümkındık beretın Cerebra jüiesı engızıldı. Jasandy intellektını qoldanu diagnostika jyldamdyǧy men däldıgın arttyryp, medisinalyq kömektıŋ sapasyn jaŋa deŋgeige köterıp otyr.
