Būl turaly Ras.kz Kazinform-ǧa sılteme jasap habarlaidy.

Nūrasyl Bolatttyŋ Almatyda tünde toida jürgen videosy äleumettık jelıde tarady.

Zaŋ boiynşa ol bostandyǧyn şekteu rejimıne bailanysty būl uaqytta üiınde boluy tiıs.

Qylmystyq atqaru jüiesı komitetınıŋ mälımetınşe, Nūrasyl Bolat Almaty qalasynyŋ probasiia qyzmetınde esepte tūr.

«Probasiialyq baqylaudy būzu faktısı boiynşa sottalǧan adamǧa eskertu jasaldy, jazany bas bostandyǧynan aiyruǧa auystyru turaly mäselenı şeşu üşın sotqa material daiyndalyp jatyr», - dep habarlady qylmystyq-atqaru jüiesı komitetınen.

Osyǧan deiın äleumettık jelıde Mäjılıs deputaty Däulet Tūrlyhanovtyŋ bostandyǧy şektelgen ūly Nūrasyl Bolattyŋ tüngı uaqytta emın-erkın jürgen videosy taraǧan edı.

Eske sala keteiık, 2023 jyly aqpanda Nūrasyl Bolat Almatyda zaŋger Anna Dmitrievich pen onyŋ jūbaiy Oleg Chernovty soqqyǧa jyqqan edı.

Keiın sport qairatkerı Däulet Tūrlyhanov balasynyŋ būzaqylyq äreketıne bailanysty pıkır bıldırıp, ūlynyŋ ısıne aralaspaitynyn aitty.

Al byltyr 2 şılde künı ol merzımdı äskeri boryşyn ötep jatqan jerı – Qonaev garnizony äskeri bölımderınıŋ bırınen qaşyp ketken bolatyn.

Keiın köp ötpei tabylyp, qyzmet atqaratyn ornyna jetkızıldı.

Almaty garnizony bölım bastyǧynyŋ būiryǧyna baǧynbaǧany jäne oryndamaǧany üşın äkımşılık jauapkerşılıkke tartyldy.

2023 jyly 9 qazanda Däulet Tūrlyhanovtyŋ ūlyna sot ükımı şyqty.

Prokuror sottaluşy B-ǧa 1 jyl 6 ai bas bostandyǧyn şekteu türınde jaza taǧaiyndaudy sūrady.

Biyl mamyrda Joǧarǧy sot Däulet Tūrlyhanovtyŋ ūlyna kesılgen ükımdı özgerttı. Sodan soŋ Däulet Tūrlyhanov ūlynyŋ sot ükımıne qatysty pıkır bıldırdı. 

«Sot şeşımı bar, bıraq äke retınde ärqaşan ūlym üşın alaŋdaimyn», - dep jauap berdı Däulet Tūrlyhanov Mäjılıs alaŋynda BAQ ökılderınıŋ saualyna jauap berıp.