Jetısu oblysy polisiia departamentınıŋ ūiymdasqan qylmysqa qarsy küres basqarmasynyŋ qyzmetkerlerı 800 myŋ teŋge kölemınde aqşa bopsalau faktısı boiynşa küdıktı üş äiel adamdy ūstady.

Polisiia anyqtaǧandai, aqpan aiynda B. esımdı azamat "Drug Vokrug" mobildı qosymşasy arqyly A. esımdı qyzben tanysqan. Hat almasu barysynda A. ony öz üiıne qonaqqa şaqyrǧan. Alaida ol körsetılgen mekenjaiǧa kelgende, päterde taǧy ekı beitanys qyz bolǧan. Bıraz uaqyttan keiın olardyŋ bırı oǧan basqa bölmege baryp oŋaşalanu turaly ūsynys jasaǧan. Er adam men qyzdardyŋ bırı bölmege kırıp, şeşıne bastaǧan kezde, kenetten ekı qyz ışke basa-köktep kırıp, aiqailap, ony kämeletke tolmaǧan qyzdy zorlamaq boldy dep aiyptaǧan. Alaiaqtar er adamǧa ekı taŋdau jasatqan. Olarǧa 800 myŋ teŋge beredı nemese olar polisiiaǧa aryz jazady. Kepıldık retınde onyŋ jeke kuälıgın, tehnikalyq pasportyn jäne jürgızuşı kuälıgın alyp, tolyq somany alǧannan keiın qūjattaryn qaitaratynyn aitqan. Küdıktılerdıŋ qysymynan seskengen er adam ekı ret 50 myŋ teŋgeden berıp ülgergen. Alaida 30 myŋ teŋgenı beru kezınde küdıktı äiel adamdar qūqyq qorǧau organdarynyŋ qyzmetkerlerımen ūstalǧan. Qazırgı taŋda tergeu jürgızılıp jatyr. Polisiia qyzmetkerlerı oqiǧanyŋ barlyq män-jaiyn anyqtap, qylmysqa qatysy bar basqa da adamdardyŋ bar-joǧyn tekseredı.