Keŋes barysynda memlekettık bılım beru standarttaryn jetıldıru mäselelerıne erekşe nazar audaryldy. Barlyq bılım deŋgeiınde – bastauyştan bastap joǧary bılımge deiın jasandy intellektke qatysty taqyryptardy oqu baǧdarlamalaryna engızu qajettılıgı talqylandy.
Ermek Köşerbaev bılım beru jüiesıne zamanaui tehnologiialardy engızu – salany jaŋǧyrtu men oqytu sapasyn arttyru jolyndaǧy maŋyzdy qadam ekenın atap öttı.
«Jasandy intellektını qoldanu oquşylar men oqytuşylar üşın jaŋa mümkındıkter aşady. Bızdıŋ basty mındetımız – osy tehnologiialardy oqu üderısıne tiımdı ärı qauıpsız türde engızuge jaǧdai jasau. Būl üşın sapaly sifrlyq infraqūrylym men senımdı derekterdı qorǧau jüiesı qajet. Bız özımızden bır saty joǧary tūratyn bılımdı, tehnikalyq jaǧynan sauatty jäne bolaşaqtyŋ syn-qaterlerıne daiyn ūrpaq tärbieleuımız kerek», — dep atap öttı vise-premer.
Ol, sondai-aq jaŋa tehnologiialardy üirenu eşqaşan keş emes ekenın aitty. Jasandy intellekt kez kelgen jastaǧy adam üşın qoljetımdı qūralǧa ainalyp, olardyŋ käsıbi damuy men bılıktılıgın arttyruǧa kömektese alady.
Keŋes barysynda sifrlyq transformasiia jaǧdaiynda kadrlar daiarlau mäselesıne erekşe nazar audaryldy. 2024 jyly Qazaqstanda Ūlttyq jasandy intellekt platformasy (ŪJİP) ıske qosylyp, oǧan 8 myŋnan astam qatysuşy tırkeldı. Osy platforma aiasynda memlekettık organdardyŋ, baǧynysty ūiymdardyŋ jäne tört joǧary oqu ornynyŋ qyzmetkerlerıne onlain oqytu ūiymdastyrylyp, oǧan 915 adam qatysty.
QR Ǧylym jäne joǧary bılım vise-ministrı Dinara Şeglova jasandy intellekttı bılım beru salasyna engızu ǧylymi qyzmet pen bılıktı mamandar daiarlauda jaŋa mümkındıkter aşatynyn atap öttı.
«Jasandy intellekt bılım beru ortasynyŋ ajyramas bölıgıne ainalyp keledı. Ol tek oqytu prosesın jekelendırıp qana qoimai, ǧylymdaǧy zertteu täsılderın damytuǧa da yqpal etedı. Studentter daiyn şeşımderdı ǧana paidalanyp qoimai, būl tehnologiialardyŋ jūmys ısteu qaǧidalaryn tüsınıp, olardy türlı salalarda beiımdep, qoldana bıluı maŋyzdy», — dedı Dinara Şeglova.
Keŋes qorytyndysy boiynşa QR Premer-ministrınıŋ orynbasary Ermek Köşerbaev tiıstı memlekettık organdarǧa bılım beru jüiesıne jasandy intellekt tehnologiialaryn integrasiialau boiynşa belsendı jūmysty jalǧastyrudy, būl üderıste jetekşı sarapşylardy tartudy jäne halyqaralyq täjıribenı zertteudı tapsyrdy.
Bılım beru jüiesın sifrlandyru jäne jasandy intellektı engızu – memlekettık saiasattyŋ basym baǧyttarynyŋ bırı. Būl bastamalardy ıske asyru zamanaui bılım beru ortasyn damytuǧa, joǧary bılıktı mamandar daiarlauǧa jäne Qazaqstannyŋ sifrlyq tehnologiialar men innovasiialar salasyndaǧy pozisiiasyn nyǧaituǧa baǧyttalǧan keşendı baǧdarlamalar men strategiialyq mındetter aiasynda jüzege asyrylady.
