Solardyŋ ışınde – jaŋa mektep qūrylysyn bır sät te toqtaptau, üş auysymda bılım beretın mektepterdıŋ sanyn qysqartu, mektep tapşylyǧy mäselesın şeşu t.s. sūraqtar bügınde kün tärtıbıne şyǧyp otyr. Osy tapsyrmanyŋ oryndalu indikatorlary boiynşa Aqtöbe oblysy köş bastap tūr degen aqparat resmi BAQ da jariialandy. Aqtöbe oblysynda oquşylar ornynyŋ tapşylyǧy men üş auysymda bılım beretın mektepterdıŋ sanyn qysqartu mäselesın şeşu boiynşa qarqyndy jūmystar jürgızılude. Bılım beru mekemelerıne degen sūranystyŋ artuyna bailanysty oblysta 2023-2025 jyldar aralyǧynda 44 mektep salu josparlanǧan. Onyŋ beseuı apatty jaǧdaidaǧy mektepterdıŋ ornyna salynuy tiıs. Qalǧan toǧyzy balalardy toltyru mäselesın şeşu üşın, 21-ı oryn tapşylyǧy mäselesın joiu maqsatynda salynuy kerek. Byltyr 5 mektep paidalanuǧa berıldı. Olardyŋ eŋ ülkenı – «Altyn Orda» şaǧyn audanynda salynǧan 2620 oryndyq Bilimsmart mektebı. Qazırgı taŋda mektepte 5233 oquşy bılım aluda. Sonymen qatar, No14 jäne No12 mektepterdegı oryn tapşylyǧyn joiu baǧytynda da bırşama ılkımdı jūmystar atqaryldy. Alǧa audany Marjanbūlaq auylynda aşylǧan orta mektep öz kezegınde oryn tapşylyǧy mäselesın şeştı. Biylǧy jyly jospar boiynşa 12 mektep paidalanuǧa berıluı tiıs. Bügınde onyŋ altauynda sabaq ötıp jatyr. Qalǧan nysandardy jyl soŋyna deiın aiaqtau josparlanǧan. Memleket basşysynyŋ bastamasymen qolǧa alynǧan «Jaily mektep» ūlttyq jobasy aiasynda «Eset batyr-3» şaǧyn audanynda 2000 oryndyq mektep, «Aqjar-2» tūrǧyn alabynda 300 oryndyq mektep salynuda. Atalmyş bılım ordalaryn ıske qosu arqyly audandardaǧy mektep tapşylyǧy mäselesı şeşılıp qana qoimai, oquşylardyŋ alaŋsyz bılım aluyna qolaily jaǧdai tuady. 20-dan astam mekteptıŋ qūrylysy 2025 jylǧa şegerıldı. «Bızdıŋ maqsatymyz – oblystaǧy barlyq balalardyŋ sapaly bılım aluyna tiımdı jaǧdai jasau. Al, jaŋa mektepterdıŋ salynuy, eskılerınıŋ jaŋartyluy bızge jüktelgen barlyq mındetterdı şeşedı. Mektep jasyndaǧy balalar sanynyŋ artuyna bailanysty jaŋa bılım oşaqtaryn salu mäselesı bügınde kün tärtıbınde tūr. Salynyp jatqan nysandar kezeŋ-kezeŋımen paidalanuǧa berıledı.Halyq tyǧyz ornalasqan Aqtöbe qalasynda jaŋa ülgıdegı ǧimarattardy tūrǧyzu qiyn bolǧandyqtan, nysandar qūrylysy jergılıktı atqaruşy organdarmen tyǧyz bailanysta jürgızılude. Apatty mektepterge qatysty, är mekemenıŋ jūmys uaqyty ärtürlı ekenın eskersek, jyl saiyn jaŋa ǧimarattar salu mäselesı ärqaşan özektı bolary sözsız.» - deidı Aktöbe oblysy bılım basqarmasy basşysynyŋ orynbasary Artur Äuezov.
