Atap aitqanda, Memleket basşysynyŋ ökımımen Qanatai Jorabekūly Dalmatov Qazaqstan Respublikasy Ūlttyq qauıpsızdık komitetı Töraǧasynyŋ orynbasary lauazymyna taǧaiyndaldy.
***
QR Ükımetınıŋ qaulysymen Kegen Ahmetūly Tūrsynbaev Tötenşe jaǧdailar vise-ministrı qyzmetıne taǧaiyndaldy.
Ol 1971 jyly Şyǧys Qazaqstan oblysynda düniege kelgen. Lenin komsomoly atyndaǧy ekı märte Qyzyl Tuly Riazan joǧary äue desanttyq komandalyq uchilişesın, L.N. Gumilev atyndaǧy Euraziia memlekettık universitetın, RF Prezidentı janyndaǧy Resei halyq şaruaşylyǧy jäne memlekettık qyzmet akademiiasyn bıtırgen.
Är jyldary QR Respublikalyq ūlany, QR Ūlttyq qauıpsızdık komitetınıŋ Şekara qyzmetı qatarynda qyzmet etken.
2020-2021 jyldary Şyǧys Qazaqstan oblysy boiynşa Tūtynuşylardyŋ qūqyqtaryn qorǧau komitetı departamentınıŋ basşysy bolyp jūmys ıstedı. 2021-2022 jyldary – QR Prezidentı Is basqarmasynyŋ bölım bastyǧy. 2022-2024 jyldary QR Işkı ıster ministrlıgınıŋ qūrylymynda basşylyq qyzmetter atqardy. 2024 jylǧy säuırden bastap qazırgı uaqytqa deiın QR TJM Azamattyq qorǧanys jäne äskeri bölımder komitetınıŋ töraǧasy.
***
Kölık ministrınıŋ būiryǧymen Jänıbek Jūmaūly Taijanov Kölık ministrlıgı Temırjol jäne su kölıgı komitetınıŋ töraǧasy qyzmetıne taǧaiyndaldy.
Ol 1982 jyly Aqmola oblysynda düniege kelgen. T. Rysqūlov atyndaǧy Qazaq ekonomikalyq universitetın, Qazaq qatynas joldary universitetın, Azamattyq aviasiia akademiiasyn bıtırgen.
Eŋbek jolyn 2003 jyly bastaǧan, ūzaq jyldar boiy «Qazaqstan temır joly» ŪK filialdarynda jūmys ıstedı. 2014-2019 jyldary — QR İnvestisiialar jäne damu ministrlıgı, İndustriia jäne infraqūrylymdyq damu ministrlıgı departamentı direktory.
2019-2022 jyldary — QR İİDM Kölık komitetı töraǧasynyŋ orynbasary. 2022 jyldyŋ nauryz aiynan bastap qazırgı uaqytqa deiın — «Qazaqstan temır joly» ŪK «Jolauşylar tasymaly» AQ basqarma töraǧasy – bas direktory.
***
Qydyrberdı Ändırūly Bekov QR Ekologiia jäne tabiǧi resurstar ministrlıgı apparatynyŋ basşysy qyzmetıne taǧaiyndaldy.
Ol 1977 jyly düniege kelgen. Qorqyt Ata atyndaǧy Qyzylorda memlekettık universitetın, Ş.Esenov atyndaǧy Kaspii tehnologiialar jäne injiniring universitetın bıtırgen. Eŋbek jolyn 2001 jyly Maŋǧystau oblystyq jerge ornalastyru bölımınde injener-jerge ornalastyruşy bolyp bastaǧan. 2004-2010 jyldary Maŋǧystau oblysy äkımınıŋ apparaty Jer resurstary basqarmasynda jerge ornalastyru boiynşa bas maman, bölım bastyǧy jäne bas inspektor bolyp jūmys ıstedı.
2010-2011 jyldary Maŋǧystau oblysy Basqūdyq auyldyq okrugınıŋ äkımı. 2011-2023 jyldary Maŋǧystau oblysy Qaraqiia audany äkımınıŋ orynbasary, audan äkımı.
2023-2024 jyldary QR Ükımetı Apparatynyŋ öŋırlık inspektory.
***
Qazaqstan Respublikasy Prezidentı äkımşılıgınıŋ kelısımı boiynşa Işkı ıster ministrınıŋ būiryǧymen Meiram Äbıkeev Almaty oblystyq polisiia departamentınıŋ bastyǧy bolyp taǧaiyndaldy.
Polisiia polkovnigı Meiram Äbıkeev būǧan deiın Soltüstık Qazaqstan oblysy IID bastyǧynyŋ orynbasary bolǧan.
***
Qyzylorda qalasynyŋ äkımı qyzmetın atqarǧan Serık Qojaniiazov endı «Petro Qazaqstan Qūmköl Resorsiz» kompaniiasy vise-prezidentı qyzmetıne taǧaiyndaldy.
Serık Qojaniiazov 1965 jyly Qyzylorda qalasynda düniege kelgen. 1989 jyly Kuzbass politehnikalyq institutyn (RF) «İnjener-mehanik» mamandyǧy boiynşa bıtırdı. 2002 jyly L.Gumilev atyndaǧy Euraziia memlekettık universitetınıŋ Qyzylorda filialyn ekonomist-qarjyger mamandyǧy boiynşa bıtırgen.
Eŋbek jolyn 1989 jyly Qyzylorda qalasyndaǧy №2 mehanika-jöndeu zauyty uchaskesınıŋ injener-tehnology, şeberı bolyp bastaǧan. 1992-1999 jyldary «Serık» şaǧyn käsıpornynyŋ, «Arko-invest» investisiialyq jekeşelendıru qorynyŋ direktory boldy. Odan keiıngı jyldarda Qyzylorda qalasy äkımınıŋ janyndaǧy «Qalalyq biznes-ortalyq» memlekettık käsıpornynyŋ jäne Qyzylorda oblysy äkımınıŋ janyndaǧy «İnvestisiialar tartu jäne baǧaly qaǧazdar naryǧyn damytu ortalyǧy» memlekettık käsıpornynyŋ direktory, Qyzylorda qalasyndaǧy «Senım» aşyq jinaqtauşy zeinetaqy qorynyŋ direktory qyzmetterın atqardy.
2001-2007 jyldary Qyzylorda oblysy äkımı apparatynyŋ naryqtyq infraqūrylymdy qalyptastyru bölımınıŋ meŋgeruşısı, Qyzylorda oblysynyŋ käsıpkerlık jäne önerkäsıp departamentınıŋ direktory;
2007-2008 jyldary Qyzylorda qalasynyŋ äkım lauazymynda bolsa, 2008- 2014 jylǧa deiın QR Premer-Ministrı Keŋsesınıŋ ūiymdastyru jūmysy jäne Öŋırlık damu bölımınıŋ bas inspektory, osy bölım meŋgeruşısınıŋ orynbasary, būdan ärı Premer-Ministr Keŋsesınıŋ Öŋırlık damu bölımınıŋ meŋgeruşısı, 2014-2019 jylǧa deiın Qyzylorda oblysy äkımınıŋ orynbasary, QR Prezidentınıŋ Baiqoŋyr keşenındegı arnaiy ökılı, 2019-2022 jylǧa deiın QR ekologiia, geologiia jäne tabiǧi resurstar vise-ministrı, 2022-2024 jylǧa deiın Qyzylorda oblysy äkımınıŋ bırınşı orynbasary qyzmetın atqarǧan.
Al 2024 jylǧy qaŋtar-tamyz ailary aralyǧynda Qyzylorda oblysy äkımınıŋ ökımımen Qyzylorda qalasynyŋ äkımı qyzmetın atqardy.
***
Elordalyq «Barys» hokkei komandasynyŋ bas direktory qyzmetıne Nūrlan Orazbaev taǧaiyndaldy. Būl şeşımdı «Turizm jäne sport industriiasyn qoldau qory» korporativtık qory qabyldady.
Sonymen qatar qazaqstandyq maman Ǧalym Mämbetäliev «Barys» hokkei klubynyŋ bas bapkerı qyzmetıne taǧaiyndaldy.
Ǧalym Mämbetäliev 1965 jyly düniege kelgen. Sporttyq mansabynda 1980-2002 jyldar aralyǧynda reseilık jäne qazaqstandyq klubtardyŋ namysyn qorǧady. 2002 jyldan berı bapkerlık qyzmetpen ainalysady. Būǧan deiın elordalyq klubta 2004-2005, 2017-2018, 2023 jyldarda bas bapker jäne kömekşısı qyzmetterın atqardy. Sondai-aq, elımızdıŋ ūlttyq qūramasyna 2018, 2023 jyldarda jetekşılık ettı.
