Mamannyŋ sözınşe, Almaty qalasyndaǧy üilerdıŋ bärı 9-10 baldyq jer sılkınısıne eseptep salynǧan.

– Qazır üilerdıŋ basym bölıgı monolittı jäne metaldy karkas tözımdık diafragmasy boiynşa salynady. Üiler arasynda tabiǧi apat kezınde eŋ tözımdısı – monolit jäne paneldı üiler. Olar seismikaǧa tūraqty. Monolittı qūrylym, ırgetastaǧy buyndardyŋ, tıgısterdıŋ jäne nüktelık jüktemenıŋ joqtyǧy seismikalyq belsendılık joǧarylaǧan jaǧdaida tūraqtylyqqa kepıldık beredı. Tūtas monolittı bolǧandyqtan, ol jeke-jeke qirap qalmaidy. Bızdegı üilerdıŋ bärı qabyrǧaly. Ärine, ol qūrylystyŋ sapasyna bailanysty. Tıptı, sapasyz üidıŋ özı tötep bere alady, - deidı maman.

Spiker zılzala bolsa, saman kırpış pen aǧaştan salynǧan üiler bırınşı qiraitynyn aitady.

– Keŋes zamanynda kırpışten, saman men lai topyraqtan salynǧan, bır-ekı qabatty aǧaş qaŋqaly üiler zılzalaǧa tötep bere almaidy. Olar sol zamanǧy qūrylys normalaryna sai kelgenımen, qazırgı seismikalyq aimaqtyŋ normasy mülde bölek. Bır mysal keltıreiın, osydan 5-6 jyl būryn Sätpaev köşesındegı Ortalyq stadionnyŋ artynda ornalasqan osyndai eskı üidı synap körgen edık. Tekserıs kezınde ekı podezdı, üş qabatty üidıŋ töbesıne arnaiy qūral qoiyldy. Sol kezde ǧimarattyŋ 9 balǧa tözbeitının kördık. Qirap qalmasa da ärı qarai jöndeuge jaramaityn jaǧdaiǧa jettı, - deidı ol.

Aituynşa, seismikalyq aimaqta saman kırpışten qalai üi saluǧa bolatyny turaly arnaiy qūrylys normasy jasalǧan.

– Jaŋa qūrylys normasyn öŋırlerge tarattyq. Auyl-aimaqta saman kırpışten qalai üi saluǧa bolady? Qolda bar materialdy dūrys qoldanu kerek. Samannan salǧannan keiın töbesıne antiseismikalyq beldeme qūiu kerek. Onyŋ üstıne topyraq, kül emes, jeŋıl materialdardy qoldanǧan abzal. Qazır onyŋ neşe türı bar. Sondai-aq aǧaşty tıgınen emes, qiǧaştap qaqsa, ǧimarattyŋ būryluyna jol bermeidı. Bız osyndai baspanany esperimentaldy alaŋda salyp, tekserıp kördık. Tözımdı ekenın däleldedık. Būl – ekologiialyq taza material, qysta jyly, jazda salqyn bolady, - dep tüiındedı spiker.

Eske salaiyq, Almaty 10 baldyq jer sılkınısı boluy yqtimal seismikalyq qauıptı aimaqta ornalasqan. 

Megapoliste 1116 ǧimarat tektonikalyq jaryqta tūr. Onyŋ 754-ı seismikalyq tözımdı, 362-sı seismikalyq tūrǧyda berık emes.