Almaty qalasynda kriminaldyq polisiia qyzmetkerlerı arnaiy jasaqpen bırlesıp, päter ūrlyǧyna küdıktı azamatty ūstady. Qala polisiiasy taratqan aqparatqa säikes, küdıktı kündızgı uaqytta, üi ielerı syrtta bolǧan sätte, baspanalarǧa erkın enıp, ūrlyq jasaǧan. Almaty qalalyq polisiia departamentı kriminaldyq polisiia basqarmasynyŋ bastyǧy Talant İsaevtyŋ aituynşa, qazırgı taŋda onyŋ kem degende bes ūrlyq faktısıne qatysy bar ekenı anyqtalyp otyr. Būl qylmystar qalanyŋ ärtürlı audandarynda tırkelgen. Jäbırlenuşılerge keltırılgen jalpy materialdyq şyǧyn kölemı 800 myŋ teŋgeden asady.

- Küdıktı ūstalǧan kezde oqiǧa ornynan aiǧaqty zattar tärkılendı. Qazırgı uaqytta onyŋ basqa da osyǧan ūqsas qylmystarǧa qatysy bar-joǧy tekserılude. Tergeu şaralary jalǧasyp jatyr, - dep mälımdedı Talant İsaev.

Polisiia tūrǧyndardy qarapaiym qauıpsızdık şaralaryn saqtauǧa şaqyrady: üiden şyǧarda esık pen terezenıŋ jabyq ekenıne köz jetkızıp, senımdı qūlyptar ornatu jäne beinebaqylau jüielerın qoldanu qajet. Mūndai aldyn alu şaralary azamattardyŋ mülkın saqtauǧa sep bolady.