Almaty äkımı Darhan Satybaldynyŋ töraǧalyǧymen qaladaǧy oquşy oryndarynyŋ tapşylyǧyn joiu jäne bılım beru infraqūrylymyn damytu jönındegı keşendı jospardyŋ ıske asyryluyna arnalǧan jūmys keŋesı öttı.

2025–2026 oqu jylynyŋ qorytyndysy boiynşa Almatydaǧy 360 mektepte 357 225 oquşy bılım aldy. Qazırgı taŋda qalada 29 735 oquşy ornyna qajettılık bar. Äsırese, Äuezov, Alatau jäne Bostandyq audandarynda tapşylyq köptep baiqalady. Jüktemenıŋ artuyna mektep jasyndaǧy balalar sanynyŋ köbeiuı jäne ışkı köşı-qon äser etken. Tek byltyrǧy oqu jylynyŋ özınde Almaty mektepterıne elımızdıŋ basqa öŋırlerınen 17 847 oquşy auysyp kelgen. Olardyŋ jartysyna juyǧy Almaty oblysynan.

Keŋes barysynda qoldanystaǧy tapşylyqty kezeŋ-kezeŋımen azaituǧa mümkındık beretın keşendı şaralar qaraldy. Jaŋa oqu jyly bastalǧanǧa deiın qalada segız jaŋa mektep aşylady. Onyŋ jeteuı «Keleşek mektepterı» ūlttyq jobasy aiasynda, bıreuı jergılıktı biudjet qarajaty esebınen salynǧan mektep. Sonymen qatar qoldanystaǧy üş mektepke qosymşa ǧimarattardyŋ qūrylysy aiaqtalady. Sonyŋ nätijesınde 12 200 jaŋa oquşy orny aşylady.

Keŋeste mektepke deiıngı bılım beru salasyn damytu jaiy da qaraldy. Qazırgı taŋda Almatyda 1 098 balabaqşa jūmys ısteidı, olarǧa 88 myŋnan astam bala barady. Jyl basynan berı şamamen 3 myŋ oryndyq 33 jaŋa balabaqşa aşyldy. Jyl soŋyna deiın taǧy 23 balabaqşa aşu josparlanǧan. Būl mektepke deiıngı bılımmen qamtu deŋgeiın 96,6%-ǧa jetkızıp, kezekte tūrǧan balalar sanyn ekı myŋǧa deiın qysqartuǧa mümkındık beredı.

Keŋes soŋynda Almaty äkımı jaŋa bılım beru nysandaryn uaqytyly paidalanuǧa berudı, barlyq jobanyŋ jüzege asyryluyn küşeitudı jäne şahardaǧy halyq sany qarqyndy ösıp jatqan audandarda oquşy oryndarynyŋ tapşylyǧyn kezeŋ-kezeŋımen joiu üşın qosymşa şaralar qabyldaudy tapsyrdy.