Almatynyŋ Medeu audanynda Dostyq daŋǧylynan Nazarbaev daŋǧylyna deiıngı Jambyl köşesınde, sondai-aq Töle bi köşesınde kögaldandyru jäne zamanaui avtomatty suaru jüiesın ornatu jūmystary aiaqtaldy. Jobalardyŋ jüzege asyryluy turaly audan äkımdıgı ökılderı Öŋırlık kommunikasiialar qyzmetı ūiymdastyrǧan baspasöz turynda aitty.
Atalǧan aumaqtarda sorǧy stansiialary ornatylyp, 14 şaqyrymnan astam avtomatty suaru jelısı tartyldy. Jaŋa jüie jasyl jelekterdı uaqytyly ärı bırkelkı suaruǧa mümkındık berıp, olardy kütıp ūstau tiımdılıgın arttyrady jäne su resursyn ūtymdy paidalanudy qamtamasyz etedı.
«"Halyq qatysatyn biudjet" baǧdarlamasy aiasynda avtomatty suaru jüielerın ornatu jäne kögaldandyru jobalary aiaqtaldy. Jaŋa suaru jelılerınıŋ jalpy ūzyndyǧy 14 şaqyrymnan asty. Biyl baǧdarlama aiasynda jüzege asyrylyp jatqan 30 jobanyŋ 10-y kögaldandyru men avtomatty suaru jüielerın ornatuǧa baǧyttalǧan. Būl jobalardyŋ barlyǧy tūrǧyndardyŋ bastamasymen jüzege asyrylyp, nysandardy ırıkteu men jobalyq ūsynystardy äzırleu üderısıne tūrǧyndardyŋ özı belsendı qatysty», – dedı Medeu audany äkımınıŋ orynbasary Azat Käketaev.
Onyŋ aituynşa, avtomatty suaru jüiesın engızu aǧaş, būta men kögaldardyŋ jai-küiın jaqsartyp, qoǧamdyq keŋıstıkterdı kütıp ūstau sapasyn jaŋa deŋgeige köteruge mümkındık beredı.
