Almatyda qala bazarlary men sauda oryndarynda jūmys ısteitın jastardy bırıktırgen Youth Nomads ūlttyq sport festivalınıŋ finaldyq kezeŋı ötude. Jalpy jülde qory 3 mln teŋge bolatyn joba jastar arasynda ūlttyq sport türlerı men salauatty ömır saltyn nasihattauǧa baǧyttalǧan maŋyzdy bastamalardyŋ bırıne ainaldy.
Finaldyq kezeŋ «Kenjehan» bazary aumaǧynda bastaldy. Mūnda ırıkteu kezeŋderınen ötken üzdık qatysuşylar bas jülde üşın synǧa tüsedı. Jalpy jobaǧa 1000-nan astam jas qatysty. Qorytyndy kezeŋge deiın auqymdy daiyndyq jūmystary jürgızıldı: aqparattyq kezdesuler Almatydaǧy 20-dan astam bazardy qamtydy, al ırıkteu turnirlerı «Alaş», «Mizam» jäne «Jıbek joly» alaŋdarynda ötıp, är kezeŋde jüzdegen qatysuşyny jinady.
Almaty qalasy äkımınıŋ orynbasary Abzal Nükenov ıs-şara barysynda:
«Joba aiasynda köptegen jas alǧaş ret osyndai ortaǧa keldı. Būǧan deiın qatyspaǧandar qosylyp, tanysyp, baǧyn synap kördı. Osyndai sätterden keiın özıŋe senım paida bolady, “Men de jasai alamyn” degen oi qalyptasady», — dep atap öttı.
Finalda qatysuşylar alty dästürlı sport türı boiynşa baq synauda: asyq atu, läŋgı tebu, qoi köteru, qazaqşa küres, qol küres jäne arqan tartu. Jarystarmen qatar qonaqtarǧa qolöner būiymdarynyŋ körmesı, şyǧarmaşylyq baǧdarlamalar ūsynylyp, Qalalyq mansap ortalyǧy men «SkilAll» bılım beru kurstary da qatysuda.
Qatysuşylardyŋ aituynşa, joba tek sport jarysy ǧana emes, öz mümkındıgın körsetuge jol aşqan alaŋǧa ainaldy:
«Bız bazarda jūmys ısteimız, bıraq ärqaisymyzdyŋ küşımız de, äleuetımız de bar. Youth Nomads sony körsetuge mümkındık berdı», — deidı finalisterdıŋ bırı.
Basqa qatysuşylar joba ūlttyq dästürlerge degen qyzyǧuşylyqty arttyratynyn atap ötude:
«Būl jai ǧana sport emes — būl bızdıŋ mädenietımız».
Ūiymdastyruşylar jobanyŋ ūzaq merzımdı maŋyzy bar ekenın aitady:
«Youth Nomads tek jarys emes. Būl dästürge qūrmet, jastardy damytu jäne özın-özı jüzege asyruǧa jaŋa mümkındık. Mūndai formattardyŋ jastar arasynda sūranysqa ie ekenın körıp otyrmyz», — dedı Almaty qalasy Jastar saiasaty basqarmasynyŋ basşysy Aziz Kajdenbek.
Festival ūlttyq qūndylyqtardy därıpteuge, jastardyŋ belsendılıgın arttyruǧa jäne olardyŋ qalanyŋ qoǧamdyq ömırıne belsendı qatysu mädenietın qalyptastyruǧa baǧyttalǧan.
