1-9 mausym künderı elordada alǧaş ret bochchadan Astana 2026 World Boccia Cup halyqaralyq turnirı ötıp jatyr. Jarys resmi reitingtık bäsekeler qataryna kıretın Älem kubogı kezeŋderınıŋ bırı.
Turnirge älemnıŋ 24 elınen, sonyŋ ışınde Braziliia, Kanada, Qytai, Ūlybritaniia, Oŋtüstık Koreia, Fransiia jäne Portugaliiadan kelgen 90-ǧa juyq sportşy qatysyp jatyr.
Turnirdıŋ aşylu saltanatyna Bochcha federasiiasynyŋ prezidentı Mäulen Äşımbaev, Halyqaralyq bochcha federasiiasynyŋ prezidentı Djonatan Morgan jäne Turizm jäne sport ministrı Erbol Myrzabosynov qatysty.
Mūndai deŋgeidegı jarystyŋ Qazaqstanda ötuı eldıŋ sporttyq ıs-şaralardy ūiymdastyru äleuetınıŋ joǧary ekenın körsetıp, inkliuzivtı sportty keŋınen nasihattauǧa qosymşa mümkındık beredı.
Älem kubogı kezeŋınde Qazaqstan qūramasy sapynda 10 sportşy öner körsetıp jatyr. Olardyŋ üşeuı – qozǧalys mümkındıgı eŋ şekteulı BC3 sanatyndaǧy sportşylar. Olar dopty arnaiy naua arqyly baǧyttap, jarys barysynda kömekşılerınıŋ qoldauymen qatysady. Saiystar jeke, jūptyq jäne komandalyq formatta ötedı.
Otandyq parasportşylardy daiarlau jäne oqu-jattyǧu jiyndaryn ötkızu maqsatynda Portugaliiadan bapker Roberto Mateuş şaqyryldy. Ol sportşylarmen jūmys ıstep, aldaǧy halyqaralyq jarystar qarsaŋynda komandanyŋ tehnikalyq jäne taktikalyq daiyndyǧyna erekşe köŋıl böledı.
Turnir Turizm jäne sport ministrlıgı men serıktes ūiymdardyŋ qoldauymen ötıp jatyr.
Sondai-aq osy künı Senat Töraǧasy men Halyqaralyq bochcha federasiiasynyŋ prezidentı Djonatan Morgan arasynda ekıjaqty kezdesu öttı. Kezdesu barysynda taraptar paralimpiadalyq sporttyŋ qazırgı jai-küiı men damu äleuetı, Qazaqstanda bochchany damytu jäne tanymal etu mäselelerın, halyqaralyq yntymaqtastyqty nyǧaitudy, sondai-aq sportşylar men bapkerlerdı ırı halyqaralyq jarystarǧa daiyndau baǧyttaryn talqylady.
Djonatan Morgan Qazaqstannyŋ aşyq ärı yntymaqtastyqqa baǧyttalǧan ūstanymyn joǧary baǧalap, Halyqaralyq federasiia inkliuziiany damytuǧa baǧyttalǧan bırlesken bastamalardy qoldauǧa daiyn ekenın atap öttı.
